വാഹനാപകടം; മലപ്പുറം സ്വദേശി സൗദിയിൽ മരിച്ചു.

റിയാദ്: ന്യു അൽഖർജ് റോഡിലുണ്ടായ വാഹനാപകടത്തിൽ മലപ്പുറം സ്വദേശിയായ യുവാവ് മരിച്ചു. മലപ്പുറം വാഴക്കാട് സ്വദേശിയായ ചീരോത്ത് തടയിൽ ജൗഹർ ആണ് മരിച്ചത് . 23 വയസായിരുന്നു.

സ്വകാര്യ ബേക്കറി കമ്പനിയിൽ സെയിൽസിൽ ജോലി നോക്കുന്ന ഇദ്ദേഹം ഓടിച്ചിരുന്ന ഡൈന നിയന്ത്രണം നഷ്ടപ്പെട്ട് ട്രയിലറിന്റെ പിന്നിൽ ഇടിച്ചാണ് അപകടം സംഭവിച്ചത്.

നാലു മാസം മുൻപാണ് ഇദ്ദേഹം പുതിയ വിസയിൽ റിയാദിൽ എത്തിയത്. ഇദ്ദേഹം ഓടിച്ചിരുന്ന വാഹനത്തിന്റെ മുൻഭാഗം അപകടത്തിൽ പൂർണമായും തകർന്നു. ജൗഹർ സംഭവസ്ഥലത്ത് തന്നെ മരിച്ചു.

മയ്യത്ത് ഇവിടെ റിയാദിൽ തന്നെ ഖബറടക്കും. ഇതിനായി മലപ്പുറം ജില്ലാ കെ എം സി സി പ്രവർത്തകരായ മുനീർ വാഴക്കാട്, റഫീഖ് മഞ്ചേരി, ശറഫു പുളിക്കൽ എന്നിവർ രേഖകൾ ശരിയാക്കിവരുന്നു.

ഉപ്പ: ചീരോത്ത് തടയിൽ അബ്ദുൽ റഹ്മാൻ, ഉമ്മ: ആമിന, സഹോദരങ്ങൾ: ജംഷീർ, ജന്നത്ത്

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa