റിയാദിൽ മലയാളിക്ക് നേരെ തോക്ക് ചൂണ്ടി കവർച്ചാ ശ്രമം.

റിയാദ്: ഷിഫാസനയ്യയിൽ മലയാളിക്ക് നേരെ തോക്ക് ഉപയോഗിച്ച് കവർച്ചാ ശ്രമം. കഴിഞ്ഞ ചൊവ്വാഴ്ചയാണ് ഷിഫാമലയാളിസമാജം ജോയിന്റ് സെക്രട്ടറി സന്തോഷ് തിരുവല്ലക്കു നേരെ ജോലി സ്ഥലത്തിനടുത്ത് വെച്ച് ആക്രമണ ശ്രമമുണ്ടായത്.

രാവിലെ 8 മണിക്ക് സ്വന്തം വാഹനത്തിൽ ഭക്ഷണം വാങ്ങി തിരിച്ചു കമ്പനിയിൽ എത്തി വാഹനത്തിൽ നിന്ന് ഇറങ്ങിയ ഇദ്ദേഹത്തിന് നേരെ, പിന്തുടർന്ന് വന്ന കാറിൽ നിന്നും ആക്രമി ചാടിയിറങ്ങി തോക്കു ചൂണ്ടി പേഴ്‌സ് ആവശ്യപ്പെടുകയായിരുന്നു.

അക്രമി സന്തോഷിന് നേരെ അടുത്തപ്പോൾ, റോഡിന് എതിർവശത്തുള്ള കമ്പനിയിൽ നിന്നും ഒരാൾ കതകു തുറന്നു പുറത്തു ഇറങ്ങുന്നു എന്ന രീതിയിൽ സന്തോഷ് ആ ഭാഗത്തേക്ക് നോക്കി ശബ്‌ദമുണ്ടാക്കുകയും അക്രമി ശ്രമം ഉപേക്ഷിച്ചു കടന്നു കളയുകയും ചെയ്തു.

വിവരം അറിഞ്ഞു സ്പോൺസർ സ്ഥലത്തു എത്തുകയും ഷിഫാപോലീസിൽ പരാതി കൊടുക്കുകയും ചെയ്തിട്ടുണ്ട്. സമാനമായ സഭവങ്ങൾ സനയ്യയിൽ മുൻപും പലപ്രവിശ്യം നടന്നിട്ടുണ്ടെന്ന്, ഷിഫാമലയാളിസമാജം പ്രസിഡന്റ് ഇല്ലിയാസ് സാബു പറഞ്ഞു.

സംഭവത്തിന്റെ സി സി ടി വി ദൃശ്യം പുറത്ത് വന്നിട്ടുണ്ട്. അക്രമി സന്തോഷിന്റെ കാറിനെ പിന്തുടർന്ന് വന്ന് ആക്രമിക്കാൻ ശർമിക്കുന്നത് ദൃശ്യത്തിൽ വ്യക്തമായി കാണാം. എന്നാൽ അക്രമിയുടെ കയ്യിൽ തോക്കുണ്ടോ എന്ന് ദൃശ്യത്തിൽ വ്യക്തമല്ല.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa