വിടവാങ്ങൽ സ്റ്റിക്കർ പതിച്ച് സ്നേഹത്തോടെ യാത്രയാക്കി യുഎഇ

ദുബായ്: ചിലർ അങ്ങനെയാണ്, അവർ ചിലപ്പോൾ നമ്മെ അത്ഭുതപ്പെടുത്തും. ദുബായ് അന്താരാഷ്ട്ര വിമാനത്താവളത്തിലൂടെ മടങ്ങുന്ന വിദേശികൾക്ക് അങ്ങനെയൊരു സ്നേഹ സന്ദേശമൊരുക്കിയിരിക്കുകയാണ് അധികൃതർ.

കോവിഡ് 19 വ്യാപനത്തിന്റെ പാശ്ചാത്തലത്തിൽ നിനച്ചിരിക്കാതെ ദുബായിൽ നിന്നു മടങ്ങുന്നവരുടെ പാസ്പോർട്ടുകളിലാണ്, ‘സുരക്ഷിത യാത്ര, വൈകാതെ വീണ്ടും കാണാം’ എന്ന സന്ദേശമുൾക്കൊള്ളുന്ന സ്റ്റിക്കർ പതിക്കുന്നത്.

ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിൻ അഫയേഴ്സ് (ദുബായ്) ആണ് ഈ ആശയത്തിനു പിന്നിൽ പ്രവർത്തിച്ചത്.

ദുബായ് വിമാനത്താവളം വഴി സ്വന്തം രാജ്യങ്ങളിലേക്ക് മടങ്ങുന്നവർക്കാണ് സ്നേഹപൂർവം വിടവാങ്ങൾ സ്റ്റിക്കറുകൾ പതിക്കുന്നത്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa