ശക്തമായ നിയന്ത്രണങ്ങൾക്കിടെ, കള്ളക്കടത്ത് ശ്രമം തകർത്ത് റോയൽ ഒമാൻ പോലീസ്

മസ്‌കറ്റ്: കോവിഡ് വ്യാപനവുമായി ബന്ധപ്പെട്ട് ശക്തമായ നിയന്ത്രണങ്ങൾ നിലനിൽക്കെ, ധോഫർ ഗവർണറേറ്റിലേക്ക് ഖാത്ത് കടത്താനുള്ള ശ്രമം റോയൽ ഒമാൻ പോലീസ് (ആർ‌ഒപി) പരാജയപ്പെടുത്തി.

ധോഫർ ഗവർ‌ണറേറ്റിലെ കോസ്റ്റ് ഗാർഡ് പോലീസ് കമാൻ‌ഡ് ആണ് മയക്കുമരുന്ന് കള്ളക്കടത്ത് ബോട്ട് പിടികൂടിയതെന്ന് റോയൽ ഒമാൻ പോലീസ് അറിയിച്ചു.

ബോട്ടിലുണ്ടായിരുന്ന നാല് പേരെയും, ഇവർ കടത്താൻ ശ്രമിച്ച ഖാത്തും പോലീസ് കസ്റ്റഡിയിൽ എടുത്തു. അറസ്റ്റിലായവർ ഏതു രാജ്യക്കാരാണെന്ന വിവരം അറിവായിട്ടില്ല.

ഇവർക്കെതിരെ നിയമ നടപടികൾ നടക്കുന്നതായി റോയൽ ഒമാൻ പോലീസ് അറിയിച്ചു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa