സൗദിയിൽ മലയാളി യുവാവ് താമസ സ്ഥലത്ത് മരിച്ച നിലയിൽ.

ദമ്മാം: സൗദിയിലെ അൽ ഹസയിൽ മലയാളി യുവാവ് ഉറക്കത്തിൽ നിര്യാതനായി. കൊല്ലം ജില്ലയിൽ കൊട്ടാരക്കര – ഓടനവട്ടം സ്വദേശിയായ സുമേഷ് സുന്ദരേശൻ (34വയസ്സ്) ആണ് താമസ സ്ഥലത്ത് വെച്ച് മരണപ്പെട്ടത്.

വിവാഹത്തിന് ശേഷം കഴിഞ്ഞ ആറുമാസം മുമ്പ് നാട്ടിൽ നിന്ന് വന്ന സുമേഷ് അൽ ഹസ്സ ഇൻട്രസ്റ്റിയൽ ഏരിയയിലാണ് ജോലി ചെയ്തിരുന്നത്. രാത്രി ഉറങ്ങാൻ കിടന്ന ഇദ്ദേഹം രാവിലെ എഴുന്നേൽക്കാത്തതിനെ തുടർന്ന് സുഹൃത്തുക്കൾ ബന്ധപ്പെട്ടവരെ അറിയിക്കുകയായിരുന്നു.

ചെറുപ്പത്തിൽ തന്നെ പിതാവ് മരണപ്പെട്ട ഇദ്ദേഹത്തിന്റെ മാതാവും കുറച്ച് കാലം മുമ്പ് മരണമടയുകയുണ്ടായി. നവോദയ സാംസ്ക്കാരിക വേദി അൽ ഹസ്സമുബാറസ് ഏരിയ – സനയ്യ വെസ്റ്റ് യൂണിറ്റംഗമായിരുന്നു മരണപ്പെട്ട സുമേഷ്.

കോവിഡ് പരിശോധനയുടെ റിസൽട്ട് വന്നതിന് ശേഷം, മരണകാരണം വ്യക്തമായാലേ നാട്ടിൽ കൊണ്ടുപോവുന്നതടക്കമുള്ള കാര്യത്തിൽ തീരുമാനമെടുക്കാൻ സാധിക്കുകയുള്ളൂ.

നടപടി ക്രമങ്ങളുമായി ബന്ധപ്പെട്ട് നവോദയ സനയ്യ സാമൂഹ്യക്ഷേമ വിഭാഗം പ്രവർത്തകരായ ഉണ്ണി ഗുരുവായൂർ, പ്രദീപ് ശാസ്താംകോട്ട, എം കെ മോഹനൻ, പവിത്രൻ എന്നിവർ രംഗത്തുണ്ട്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa