മലയാളം ഹ്രസ്വ ചിത്രം ‘ഒബ്‌സസ്സ്ഡ്’ സെപ്റ്റംബർ 11 ന് റിലീസ് ചെയ്യും
റിയാദ്: CHCD Foundation India യും മൈൻഡ് കണക്ട് ലൈവ് (Mind Connect Live ) ന്റെയും പ്രൊഡക്ഷനിൽ ഡോ സൗമി ജോൺസൺ ന്റെ സ്ക്രിപ്റ്റിന് ഗോപൻ കൊല്ലം സംവിധാനം നിർവഹിച്ച ‘ഒബ്സ്സ്ഡ്’ (Obsessed) ഹൃസ്വ ചിത്രം റിലീസിന് ഒരുങ്ങുന്നു. സെപ്തംബര് 11 വെള്ളിയാഴ്ച സൗദി സമയം 12.30 PM ന് (ഇന്ത്യൻ സമയം 3 PM) ഇലക്ട്രിസിറ്റി മിനിസ്റ്റർ എം എം മണി യാണ് ഇതിന്റെ റിലീസ് ഔദിയോഗിഗമായി നിർവഹിക്കുന്നത്.
സാധാരണ ഒരു ഹൃസ്വ ചിത്രത്തിൽ നിന്നും വിത്യസ്തമായിട്ടാണ് ചിട്ടപ്പെടുത്തിയിരിക്കുന്നത്. ഇതിന്റെ പ്രതിപാദ്യ വിഷയം തന്നെ മനുഷ്യ മനസിന്റെ വൈകാരിക പ്രശ്നങ്ങളെ പറ്റി ചർച്ച ചെയ്യുന്ന അതിന്റെ പരിഹാരങ്ങളെ സൂചിപ്പിക്കുന്ന താണെന്നും, മാനസിക രോഗങ്ങളോട് ജനങ്ങളുടെ ഭയവും അകൽച്ചയും മാറ്റി ശരിയായ ചികിത്സാ എടുക്കുവാൻ ജനങ്ങളെ ഉദ്ബോധിപ്പിക്കുന്ന താണ് ചിത്രമെന്നും അണിയറപ്രവർത്തകർ പറഞ്ഞു.
ഒൻപതാം ക്ലാസ്സിൽ പഠിക്കുന്ന ഒരു കുട്ടിയുടെ വൈകാരിക വിക്ഷേപങ്ങളെ നൗഷാധും ഗോപനും ക്യാമറയിൽ ഒപ്പിയെടുത്തത് പല കുടുംബങ്ങളുടെയും ഒരു നേർകാഴ്ചയായി മനസിലാക്കാവുന്നതാണ്. നാട്ടിലാലായാലും പ്രവാസ ജീവിതത്തിലായാലും മാനസിക പ്രശ്നങ്ങളുടെ രീതികളിൽ മാറ്റം ഉണ്ടാകില്ല.
ഒരു വ്യക്തിക്ക് ഏതെങ്കിലും തരത്തിലുള്ള മാനസിക പ്ര്ശനങ്ങൾ നേരിട്ടാൽ ആരെ സമീപിക്കണം അതിനു വിദഗ്ദ്ധരായ ആളുകളുടെ ചികിത്സാ ലഭിക്കണമെങ്കിൽ എന്ത് ചെയ്യണം എന്ന് പലപ്പോഴും ജനങൾക്ക് ബോധ്യമില്ല ഇതിനു പരിഹാരമായിട്ടാണ് മൈൻഡ് കണക്ട് ലൈവ് എന്ന ഓൺലൈൻ ചികിത്സാ പ്ലാറ്റഫോമിന്റെ തുടക്കവും ഇതിനോടൊപ്പം നടക്കുന്നത്. ആർക്കും എപ്പോൾ വേണമെങ്കിലും എവിടെ നിന്ന് ചികത്സ ലഭ്യമാക്കുവാനുള്ള ഉദ്ദേശത്തോടു കൂടി ആരംഭിക്കുന്ന മൈൻഡ് കണക്ട് ലൈവ് ജനങ്ങൾക്ക് കൂടുതൽ എളുപ്പമാകും എന്ന് സംഘാടകർ പറഞ്ഞു.
ഈ ഹൃസ്വ ചിത്രത്തിന് ജീവൻ നൽകിയ അഭിനേതാക്കൾ പ്രോമോദ് കോഴിക്കോട്, ദീപ്തി എലിസബത്ത് വർഗീസ്, ഐശ്വര്യ ഷാജിത്, അപ്പുണ്ണി ശശി, നന്തിനി പ്രമോദ്, അലക്സ്, ജോസഫ് , ജോർജ് ഡോ. ജോൺസൺ എന്നിവരാണ്. ചിത്രത്തിന്റെ സംഗീത രചന നിർവഹിച്ചിരിക്കുന്നത് വി എസ് സുനിൽ ആണ്. സംഗീത സംവിധാനം നിർവഹിച്ചിരിക്കുന്നത് സനിൽ ജോസഫ് ആണ്.
ഇതിലെ മനോഹരമായ വരികൾ ആലാപനം ചെയ്തിരിക്കുന്നത് സാറ സനിലും, സനിൽ ജോസഫ് ആണ്. ശബ്ദ ക്രോഡീകരണം നിർവഹിച്ചത് പ്രമോദ് കോഴിക്കോടും, ശബ്ദങ്ങൾ ഡിസൈൻ ചെയ്തിരിക്കുന്നത് ഡെറിക് സ്റ്റുഡിയോ മധുരൈയും ആണ് . തികച്ചും വ്യത്യസ്തമായ അനുഭവങ്ങൾ പ്രേക്ഷകർക്ക് കാഴ്ച വെയ്ക്കുന്ന ഈ ഹൃസ്വ ചിത്രത്തിന്റെ ഡിജിറ്റൽ ഡിസൈൻ ചെയ്തിരിക്കുന്നത് ഷാജിത് നാരായണൻ ആണ്. റിയാദിലെ CHCD യുടെ പ്രവർത്തനങ്ങൾ കോർഡിനേറ്റു ചെയ്യുന്നത് ബിജു ജോസാണ്. ഈ ചിത്രം ജനങ്ങളിലേക്ക് എത്തിക്കുന്നതിന്റെ ക്രമീകരണങ്ങൾ നടത്തിയത് PRO ജോജി കൊല്ലം ആണ്.
അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa