സൗദിയിലേക്ക് ഇപ്പോൾ യു എ ഇ വഴി മടങ്ങുന്നവർ ശ്രദ്ധിക്കേണ്ട പ്രധാനപ്പെട്ട രണ്ട് കാര്യങ്ങൾ

ജിദ്ദ: നിലവിലെ സാഹചര്യത്തിൽ സൗദിയിലേക്ക് യു എ ഇ വഴി മടങ്ങുന്നവർ ശ്രദ്ധിക്കേണ്ട പ്രധാനപ്പെട്ട രണ്ട് കാര്യങ്ങളെക്കുറിച്ച് ട്രാവൽ ഏജൻ്റുമാർ ഓർമ്മപ്പെടുത്തി.

പ്രധാനമായും യു എ ഇ വഴി സൗദിയിലേക്ക് പോകുന്നവർ വിമാന ടിക്കറ്റുകൾ യു എ ഇയിൽ നിന്ന് വാങ്ങാൻ കാത്തു നിൽക്കാതെ നാട്ടിൽ നിന്ന് തന്നെ വാങ്ങുന്നതായിരിക്കും നല്ലതെന്നാണു ട്രാവൽ മേഖലയിലുള്ളവർ പറയുന്നത്.

കാരണം കഴിഞ്ഞ ദിവസങ്ങളിൽ കുവൈത്തിലേക്ക് യു എ ഇ വഴി മടങ്ങാനെത്തിയ പലരും പെട്ടെന്ന് ടിക്കറ്റ് നിരക്ക് രണ്ടിരട്ടിയിലധികമായി ഉയർന്നതിനാൽ വലിയ പ്രയാസം അനുഭവപ്പെട്ടിരുന്നു. ആ സ്ഥിതി വരാതിരിക്കാൻ നേരത്തെ തന്നെ സൗദി ടിക്കറ്റ് പർച്ചേസ് ചെയ്യുകയായിരിക്കും നല്ലത്.

മറ്റൊരു പ്രധാനപ്പെട്ട നിർദ്ദേശം യു എ ഇയിൽ ഇറങ്ങിയ ശേഷം ലഭിക്കുന്ന 14 ദിവസങ്ങൾ പരമാവധി സൂക്ഷിച്ച് കഴിയണമെന്നതാണ്.

ഒരു പക്ഷെ അശ്രദ്ധരായി പൊതു ഇടങ്ങളിൽ പോയി കോവിഡ് വൈറസ് പകരാൻ ഇടയായാൽ അവസാന നിമിഷം പി സി ആർ ടെസ്റ്റിൽ കോവിഡ് പോസിറ്റീവ് ആകാനും സൗദിയിലേക്കുള്ള യാത്ര മുടങ്ങാനും ഇടയാകും. അത് കൊണ്ട് തന്നെ പുറത്തിറങ്ങുകയാണെങ്കിൽ തന്നെയും സാമൂഹിക അകലം പാലിക്കണമെന്നും ട്രാവൽ ഏജന്റുമാർ ഓർമ്മപ്പെടുത്തുന്നു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa