സൗദിയിൽ മകളെ മർദ്ദിക്കുന്ന വീഡിയോ സോഷ്യൽ മീഡിയയിൽ പോസ്റ്റ് ചെയ്ത പിതാവ് അറസ്റ്റിൽ

ജിദ്ദ: മകളെ ക്രൂരമായി മർദിച്ച പിതാവിനെ സൗദി പോലീസ് അറസ്റ്റ് ചെയ്തു. ഇയാൾ മകളെ മർദ്ദിക്കുന്ന വീഡിയോ സോഷ്യൽ മീഡിയയിൽ വൈറലായതിനെ തുടർന്നാണ് അറസ്റ്റ്.

നാൽപതിനു മുകളിൽ പ്രായം തോന്നിക്കുന്ന പിതാവ് മകളെ മർദ്ദിക്കുന്ന വീഡിയോ ചിത്രീകരിച്ച് സോഷ്യൽ മീഡിയയിൽ സ്വയം പോസ്റ്റ് ചെയ്യുകയായിരുന്നു എന്ന് മക്ക പോലീസ് വക്താവ് മേജർ മുഹമ്മദ് അൽ ഗാംദി പറഞ്ഞു.

മകളെ ചാട്ടകൊണ്ട് അടിക്കുകയും കരയുന്നത് നിർത്താൻ കുട്ടിയോട് ആവശ്യപ്പെടുന്നതുമാണ് 2:19 മിനിറ്റ് ദൈർഘ്യമുള്ള വീഡിയോയിൽ ചിത്രീകരിച്ചിട്ടുള്ളത്.

ഇയാളുടെ ഐഡന്റിറ്റി കണ്ടെത്തിയതായും മകളെ മർദ്ദിച്ചതിനും കുറ്റകൃത്യം ചിത്രീകരിച്ചതിനും വീഡിയോ ക്ലിപ്പ് സോഷ്യൽ മീഡിയയിൽ പോസ്റ്റ് ചെയ്തതിനും മക്ക പോലീസ് ഇയാളെ അറസ്റ്റ് ചെയ്യുകയായിരുന്നു. കൂടുതൽ നിയമ നടപടികൾക്കായി ഇയാളെ പബ്ലിക് പ്രോസിക്യൂഷന് റഫർ ചെയ്തതായി അൽ ഗാമിദി പറഞ്ഞു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa