കോവിഡ്; കുവൈത്തിൽ രോഗമുക്തി നേടുന്നവരുടെ എണ്ണത്തിൽ വർദ്ധനവ്

കുവൈത്ത് സിറ്റി: കോവിഡ് രോഗമുക്തിയുടെ നിരക്കിൽ വൻ വർദ്ധനവ് രേഖപ്പെടുത്തി കുവൈത്ത്. 710 പേർക്കാണ് ഇന്ന് രോഗം ഭേദമായത്. ഇതോടെ ആകെ രോഗികളുടെ എണ്ണത്തിലും കഴിഞ്ഞ ദിവസത്തേതിനേക്കാൾ കുറവ് രേഖപ്പെടുത്തി. 7,403 പേരാണ് നിലവിൽ രോഗം ബാധിച്ചവരായുള്ളത്.

അതേ സമയം രാജ്യത്ത് പുതിയ കേസുകളിൽ നേരിയ ആശ്വാസം ലഭിച്ചു.. 635 പേർക്കാണ് പുതിയതായി രോഗം സ്ഥിരീകരിക്കപ്പെട്ടത്. രാജ്യത്ത് അസുഖം ഭേദമായവരുടെ എണ്ണം 102,024 ആയി ഉയർന്നു. 4 പേർക്ക് കൂടി ആരോഗ്യനില വീണ്ടെടുക്കാൻ കഴിഞ്ഞതോടെ ആകെ തീവ്രപരിചരണവിഭാഗത്തിലുള്ളവരുടെ എണ്ണം 125 ആയി കുറഞ്ഞു.

രാജ്യത്ത് ഇന്ന് കോവിഡ്‌ കാരണം 7 മരണങ്ങൾ റിപ്പോർട്ട് ചെയ്യപ്പെട്ടു. ഇതോടെ ആകെ മരണങ്ങൾ 649 ആയി ഉയർന്നു. ഇതുവരെയായി 110,076 കേസുകളാണ് റിപ്പോർട്ട് ചെയ്യപ്പെട്ടത്. പുതിയതായി 3,922 സാമ്പിളുകൾ കൂടി പരിശോധിച്ചു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa