നാട്ടിലുള്ള സൗദി പ്രവാസികളുടെ ഇഖാമയും റി എൻട്രിയും സൗജന്യമായി പുതുക്കുമോ ? ജവാസാത്തിന്റെ മറുപടി

നാട്ടിൽ കുടുങ്ങിയ വിദേശികളുടെ ഇഖാമയും റി എൻട്രി വിസയും സൗജന്യമായി പുതുക്കി നൽകുമോ എന്ന ചോദ്യത്തിനു സൗദി ജവാസാത്ത് മറുപടി നൽകി.

സൽമാൻ രാജാവിന്റെ നിർദ്ദേശ പ്രകാരം ഇഖാമയും റി എൻട്രിയും ഈ മാസം 31 വരെ സൗജന്യമായി പുതുക്കുമെന്ന പ്രഖ്യാപനം വന്ന് നാളേറെക്കഴിഞ്ഞിട്ടും ഇനിയും ഓട്ടോമാറ്റിക്കായി പുതുക്കാതിരിക്കുന്ന സാഹചര്യത്തിലാണു പ്രവാസികൾ ജവാസാത്തിനോട് ഒഫീഷ്യൽ ട്വിറ്റർ അക്കൗണ്ടിൽ സംശയം ചോദിച്ചത്.

“പ്രഖ്യാപിച്ച പ്രകാരം തന്നെ ഇഖാമയും റി എൻട്രിയും ഓഗസ്ത് 31 വരെ നാഷണൽ ഇൻഫൊർമാറ്റിക് സെന്ററിന്റെ സഹായത്തോടെ ഓട്ടോമാറ്റിക്കായി പുതുക്കി നൽകുമെന്നും ഇതിനു ജവാസാത്ത് ഓഫീസുകളെ സമീപിക്കേണ്ടതില്ല” എന്നുമാണ് ജവാസാത്ത് ട്വിറ്ററിൽ മറുപടി നൽകിയിട്ടുള്ളത്.

എന്നാൽ എന്ന് മുതൽ പുതുക്കി തുടങ്ങും എന്ന് ജവാസാത്ത് വ്യക്തമാക്കിയിട്ടില്ല. കഴിഞ്ഞ ജൂലൈ 20 നായിരുന്നു ജവാസാത്ത് നാട്ടിൽ കുടുങ്ങിയ വിദേശികളുടെ ഇഖാമയും റി എൻട്രിയും വിസിറ്റിംഗ് വിസയും ഓഗസ്ത് 31 വരെ ഓട്ടോമാറ്റിക്കായി പുതുക്കുമെന്ന് ഔദ്യോഗികമായി പ്രഖ്യാപിച്ചത്.

എന്നാൽ ഇത് വരെയായി പുതുക്കൽ നടപടികൾ പുർത്തീകരിച്ച് കാണാത്തതിനാൽ ആശങ്കയിലായ പല പ്രവാസികളും അത് സംബന്ധിച്ച് സംശയം ഉയർത്തിയപ്പോഴായിരുന്നു ഓഗസ്ത് 31 വരെ പുതുക്കുമെന്ന് ജവാസാത്ത് ഉറപ്പിച്ച് മറുപടി നൽകിയിട്ടുള്ളത്.

ഇഖാമ റി എൻട്രി കാലാവധി അവസാനിച്ചതായും പുതുക്കുമെന്ന വർത്ത ശരിയല്ലേ എന്നും ചോദിച്ച് നിരവധി പ്രവാസികൾ കഴിഞ്ഞ ദിവസങ്ങളിൽ അറേബ്യൻ മലയാളിയുമായും ബന്ധപ്പെട്ടിരുന്നു.

ഇപ്പോൾ ഖത്തറിലും മാലിദ്വീപിലും കഴിയുന്ന പല പ്രവാസികളുടെയും ഇഖാമയും റി എൻട്രിയും ഇതിനകം എക്സ്പയർ ആയിട്ടുള്ളതിനാൽ അവരും പുതുക്കുന്ന വാർത്തയെ സംബന്ധിച്ച് സംശയങ്ങൾ പ്രകടിപ്പിച്ചിരുന്നു.

ഏതായാലും ഇഖാമയും റി എൻട്രിയും പുതുക്കുമെന്ന ജവാസാത്ത് അറിയിപ്പ് ആവർത്തിക്കുന്നത് കൊണ്ട് തന്നെ പുതുക്കുമെന്ന കാര്യം തീർച്ചയാണെന്നതിൽ ഒരു സംശയവും വേണ്ട. അതേ സമയം എന്ന് മുതലായിരിക്കും പുതുക്കൽ ആരംഭിക്കുക എന്ന് പ്രഖ്യാപിക്കാത്തതിനാൽ ഓട്ടോമാറ്റിക് ആയി പുതുക്കുന്നത് വരെ കാത്തിരിക്കാൻ സാധിക്കാത്തവർക്ക് കഫീലുമായി ബന്ധപ്പെട്ട് പണമടച്ച് പുതുക്കാനുള്ള വഴികൾ സ്വീകരിക്കാവുന്നതാണ്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa