ഇഖാമയും റി എൻട്രിയും ഓട്ടോമാറ്റിക്കായി പുതുക്കാൻ ബാക്കിയുള്ളവർ ഇനിയും നിരവധി; പ്രവാസികൾക്ക് ചെയ്യാൻ സാധിക്കുന്നത്

സൗദി ഭരണാധികാരി സല്മാൻ രാജാവിൻ്റെ നിർദ്ദേശ പ്രകാരം സൗജന്യമായി ഇഖാമയും റി എൻട്രിയും പുതുക്കുമെന്ന അറിയിപ്പ് വന്നിട്ടുണ്ടെങ്കിലും ഇനിയും ആനുകൂല്യം ലഭിക്കാൻ ബാക്കിയുള്ളവർ നിരവധി പേർ.

നേരത്തെ നിരവധിയാളുകളുടേത് ഓഗസ്ത് 31 വരെ ഓട്ടോമാറ്റിക്കായി പുതുക്കിയിരുന്നെങ്കിലും അതിലും പലരും ഉൾപ്പെട്ടിട്ടില്ല.

സെപ്തംബർ 30 വരെ സൗജന്യമായി ഇഖാമ റി എൻട്രി കാലാവധികൾ നീട്ടുമെന്ന ജവാസത്തിൻ്റെ അറിയിപ്പ് വന്നതിനു ശേഷമായിരുന്നു പലരുടേതും ഓഗസ്ത് 31 വരെ പുതുക്കിയത്.

ഖത്തറിലും മറ്റും ക്വാറൻ്റീനിൽ കഴിയുന്ന നിരവധി സൗദി പ്രവാസികൾക്ക് ഓഗസ്ത് 31 വരെ പുതുക്കി ലഭിച്ചത് വലിയ ആശ്വാസമായിരുന്നെങ്കിലും പുതുക്കലിൽ പലരും ഉൾപ്പെടാതിരുന്നത് പലർക്കും പ്രയാസവുമുണ്ടാക്കിയിട്ടുണ്ട്.

ഇനിയും പുതുക്കാത്തവർ ഖത്തറിലും മറ്റും ക്വാറൻ്റീനിൽ കഴിയുന്നുണ്ടെങ്കിൽ സൗദിയിലേക്കുള്ള യാത്രാ ഡേറ്റ് അടുത്തുവെങ്കിൽ കഫീലുമായി ബന്ധപ്പെട്ട് അബ്ഷിർ വഴിയോ മുഖീം വഴിയോ പുതുക്കാൻ ആവശ്യപ്പെടുകയാണ് നല്ലത്.

കാരണം സാധാരണയായി എല്ലാ മാസവും 18, 19 തീയതികളിലൊക്കെയാണു സൗജന്യമായി പുതുക്കി നൽകുന്നതായി കാണാൻ സാധിക്കുന്നത് എന്നതിനാൽ ഒരു പക്ഷേ അവസാന ദിവസം വരെ കാത്തിരിക്കുന്നത് അബദ്ധമായേക്കാം.

അതേ സമയം ജവാസാത്തിനോട് പുതുക്കലിനെക്കുറിച്ച് ചോദിക്കുന്ന സമയം സെപ്തംബർ 30 വരെ പുതുക്കുന്നതിനുള്ള നടപടികൾ മുന്നേറിക്കൊണ്ടിരിക്കുകയാണെന്നാണു മറുപടി നൽകുന്നത്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം.
https://hostinfoarabia.com/arabian_malayali_whatsapp_group_ksa

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa