ഇനിയും ഇഖാമയും റി എൻട്രിയും ഓട്ടോമാറ്റിക്കായി പുതുക്കി ലഭിക്കാത്ത സൗദി പ്രവാസികൾ നിരവധി; കഫീലിൻ്റെ പിന്തുണ ലഭിക്കാത്തവർ ആശങ്കയിൽ

സല്മാൻ രാജാവിൻ്റെ നിർദ്ദേശപ്രകാരം നാട്ടിൽ കുടുങ്ങിയ പ്രവാസികളുടെ ഇഖാമയും റി എൻട്രിയും സെപ്തംബർ 30 വരെ പുതുക്കി നൽകുന്നതിൻ്റെ ആനുകൂല്യം പല പ്രവാസികൾക്കും ഇതിനകം ലഭിച്ചിട്ടുണ്ടെങ്കിലും ഇനിയും പുതുക്കി ലഭിക്കാത്തവരായി നിരവധി പേരുണ്ട്.

ഓഗസ്ത് 31 വരെ മാത്രം പുതുക്കി ലഭിച്ചവരും നേരത്തെ ജൂലൈ 31 വരെ പുതുക്കി ലഭിച്ച ശേഷം ഇത് വരെ പുതുക്കി ലഭിക്കാത്തവരും എല്ലാം ഇക്കൂട്ടത്തിൽ ഉണ്ട്.

ഇതി ഏറ്റവും കൂടുതൽ ആശങ്കപ്പെടുന്നത് പണം കൊടുത്താൽ പോലും സൗദിയിൽ നിന്ന് അബ്ഷിർ വഴിയോ മുഖീം വഴിയോ പുതുക്കി നൽകാത്ത ചില സ്പോൺസർമാരുടെ കീഴിലുള്ളവരാണ്.

അതോടൊപ്പം നിതാഖാത്തിൽ റെഡ് ലിസ്റ്റിൽ ഉള്ള സ്പോൺസർമാരുടെ കീഴിലുള്ളവർക്കും ഓട്ടോമാറ്റിക്കായി പുതുക്കുന്നത് വരെ കാത്തിരിക്കുക മാത്രമേ വഴിയുള്ളൂ.

നിലവിൽ സൗദിയിലേക്ക് പോകണമെങ്കിൽ മറ്റേതെങ്കിലും രാജ്യത്ത് 14 ദിവസം താമസിക്കണമെന്നതിനാൽ ഇനി പുതുക്കി ലഭിച്ചാൽ പോലും ഇഖാമ റി എൻട്രി കാലാവധി തീരാൻ 15 ദിവസമെങ്കിലും ബാക്കിയുണ്ടെങ്കിലേ നാട്ടിൽ നിന്ന് സൗദിയിലേക്ക് ആശങ്കയില്ലാതെ പറക്കാൻ സാധിക്കുകയുള്ളൂ.

അതേ സമയം പലരും സെപ്തംബർ അവസാനമാകുംബോഴേക്കും പുതുക്കും എന്ന വിശ്വാസത്തിൽ ഇപ്പോൾ തന്നെ മറ്റു രാജ്യങ്ങളിലേക്ക് 14 ദിവസം ക്വാറൻ്റീനിൽ കഴിയാനായി പോകുന്നുമുണ്ട്. പലർക്കും അവസാന നിമിഷം പുതുക്കി ലഭിച്ച സന്തോഷം അറേബ്യൻ മലയാളിയുമായി പങ്ക് വെക്കുകയും ചെയ്തിരുന്നു.

ഏതായാലും വരും ദിനങ്ങളിൽ അനുകൂലമായ രീതിയിൽ തന്നെ അപ്ഡേഷൻ വരുമെന്ന പ്രതീക്ഷയിലാണ് ആയിരക്കണക്കിന് പ്രവാസികൾ.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം.
https://hostinfoarabia.com/arabian_malayali_whatsapp_group_ksa

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa