കൂലിക്കഫീലുമാർക്ക് ശക്തമായ മുന്നറിയിപ്പുമായി സൗദി പൊതു സുരക്ഷാ വിഭാഗം

May 26, 2022 Jihadudheen Areekkadan

ജിദ്ദ: സ്വന്തം നിലയിൽ ജോലി ചെയ്യാനോ മറ്റുള്ളവർക്ക് കീഴിൽ ജോലി ചെയ്യാനോ തൊഴിലാളികളെ അനുവദിക്കുന്ന സ്പോൺസർമാർക്ക് സൗദി പൊതു സുരക്ഷാ വിഭാഗം ശക്തമായ മുന്നറിയിപ്പ് നൽകി.

ഇത്തരം കേസുകളിൽ പിടിക്കപ്പെടുന്ന തൊഴിലുടമ തടവും പിഴയും അനുഭവിക്കേണ്ടി വരും.

ആറു മാസം വരെ തടവും ഒരു ലക്ഷം റിയാൽ വരെ പിഴയും ആണ് ശിക്ഷ ലഭിക്കുക.

മേൽ പരാമർശിച്ച ശിക്ഷകൾക്ക് പുറമെ അഞ്ച് വർഷം വരെ തൊഴിലാളികളെ റിക്രൂട്ട് ചെയ്യുന്നതിന് വിലക്കും ഏർപ്പെടുത്തുമെന്നും പൊതു സുരക്ഷാ വിഭാഗം ഓർമ്മിപ്പിക്കുന്നു.

ഇഖാമ തൊഴിൽ നിയമ ലംഘനങ്ങളെക്കുറിച്ച് വിവരമറിയിക്കണമെന്ന് ജനങ്ങളോട് പൊതുസുരക്ഷാ വിഭാഗം ആഹ്വാനം ചെയ്തു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa