സൗദിയിൽ വെയിലത്ത് പണിയെടുക്കുന്നതിന് വിലക്ക്  അടുത്ത ബുധനാഴ്ച മുതൽ പ്രാബല്യത്തിൽ; മൂന്ന് വിഭാഗം തൊഴിലാളികൾക്ക് നിയമം ബാധകമാകില്ല

സൗദിയിൽ മദ്ധ്യാഹ്ന വിശ്രമ നിയമം ജൂൺ 15 ബുധനാഴ്ച മുതൽ പ്രാബല്യത്തിൽ വരുമെന്ന് മാനവവിഭവശേഷി മന്ത്രാലയം പ്രഖ്യാപിച്ചു.

ഉച്ചക്ക് 12 മണി മുതൽ വൈകുന്നേരം 3 മണി വരെയുള്ള സമയത്താണ് തൊഴിലാളികൾക്ക് വെയിലത്ത് പണിയെടുക്കുന്നതിന് വിലക്ക് ബാധകം.

മൂന്ന് മാസം പ്രാബല്യത്തിലുണ്ടാകുന്ന മദ്ധ്യാഹ്ന വിശ്രമ നിയമം സെപ്തംബർ 15 വരെ നില നിൽക്കും.

അതേ സമയം മദ്ധ്യാഹ്ന വിശ്രമ നിയമം ചില വിഭാഗങ്ങൾക്ക് ബാധകം അല്ല. അടിയന്തിര അറ്റകുറ്റപ്പണികൾ നടത്തുന്ന ജീവനക്കാരും പെട്രോളിയം, ഗ്യാസ് മേഖലാ ജീവനക്കാരും വിശ്രമ നിയമത്തിൽ നിന്ന് ഒഴിവാകും. എന്നാൽ ഇത്തരം തൊഴിലാളികൾക്ക് വെയിലിൽ നിന്ന് സംരക്ഷണം ലഭിക്കുന്നതിനുള്ള നടപടികൾ തൊഴിലുടമകൾ സ്വീകരിച്ചിരിക്കണം.

തൊഴിലാളികൾക്ക് സുരക്ഷിതമായ തൊഴിൽ സാഹചര്യം ഒരുക്കുന്നതിനും അപകടങ്ങളിൽ നിന്ന് തടയുന്നതിനുമാണ് മദ്ധ്യാഹ്ന വിശ്രമ നിയമം ബാധകമാക്കിയിട്ടുള്ളത്.

മദ്ധ്യാഹ്ന വിശ്രമ നിയമം ലംഘിക്കുന്ന സ്ഥാപനങ്ങൾക്ക് ഓരോ തൊഴിലാളിക്കും 3000 റിയാൽ എന്ന തോതിൽ പിഴ ചുമത്തും.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa