ബുധനാഴ്ച മുതൽ അഞ്ച് ദിവസം സൗദിയിലെ വിവിധ പ്രവിശ്യകളിൽ മഴക്കും കാറ്റിനും പൊടിക്കും സാധ്യത

ജിദ്ദ: ബുധനാഴ്ച മുതൽ 5 ദിവസത്തേക്ക് രാജ്യത്തിന്റെ വിവിധ പ്രവിശ്യകളിൽ മഴ സാധ്യതുള്ളതായി ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു.

കാറ്റും, ആലിപ്പഴ വർഷവും, വെള്ളത്തിന്റെ കുത്തൊഴുക്കും പൊടിയും ഈ സാഹചര്യത്തോടൊപ്പം ഉണ്ടാകാമെന്ന് കേന്ദ്രം സൂചിപ്പിച്ചു.

ജസാൻ, അസീർ, അൽ ബാഹ, മക്ക അൽ മുഖറമ എന്നീ മേഖലകളിൽ ബുധനാഴ്ച മുതൽ ഞായർ വരെ സാമാന്യം ശക്തമായ മഴ തുടരുമെന്ന് കേന്ദ്രം പ്രവചിക്കുന്നു.

വിശുദ്ധ മക്ക, ജിദ്ദ, ബഹ്‌റ, റാബിഗ് എന്നിവിടങ്ങളിൽ മഴ സാധ്യത നില നിൽക്കുന്നുണ്ട്.

ഖസീം, ശർഖിയ, റിയാദ് മേഖലകളിൽ ബുധൻ, വ്യാഴം ദിവസങ്ങളിൽ മൊത്തത്തിൽ മിതമായ മഴയ്ക്ക് സാധ്യതയുണ്ടെന്ന് പ്രതീക്ഷിക്കുന്നു.

ബുധൻ മുതൽ ഞായർ വരെ മദീന, ഹായിൽ എന്നീ പ്രദേശങ്ങളിൽ ശക്തമായ മഴ പെയ്യാൻ സാധ്യതയുണ്ട്.

വടക്കൻ അതിർത്തി പ്രദേശങ്ങളായ അൽ-ജൗഫ്, തബൂക്ക് എന്നിവിടങ്ങളിൽ വ്യാഴാഴ്ച മുതൽ ഞായർ വരെ പൊടിയും മഴയും ഉണ്ടായേക്കുമെന്നും നിരീക്ഷണത്തിൽ വ്യക്തമാക്കുന്നു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa