കുവൈത്തിൽ ബാല വേലയെടുപ്പിച്ചാൽ കമ്പനി പൂട്ടിക്കും

കുവൈത്ത് സിറ്റി: 15 വയസിൽ താഴെയുള്ളവരെ കൊണ്ട്​ തൊഴിലെടുപ്പിച്ചാൽ കമ്പനി പൂട്ടിക്കുമെന്ന്​ കുവൈത്ത് മാൻപവർ അതോറിറ്റി മുന്നറിയിപ്പ് നൽകി.

കുവൈത്തിൽ സാധാരണ നിലക്കുള്ള വർക്ക് പെർമിറ്റ് ലഭിക്കുന്നതിനുള്ള പ്രായ പരിധി ഇരുപത്തൊന്ന് വയസ്സാണു. എങ്കിലും 15 വയസ്സിന്​ മുകളിൽ പ്രായമുള്ളവർക്ക്​ നിയമാനുസൃതമായി നിയന്ത്രണങ്ങളോടെ ജോലി നൽകാൻ കഴിയും. ഇതിന്​ മുൻകൂട്ടി പെർമിഷൻ വാങ്ങുകയും ഇവർ ജോലി ചെയ്യാനുള്ള ശാരീരികക്ഷമതയുള്ളവരാണെന്ന് ഉറപ്പ് വരുത്തുന്നതിനുള്ള വൈദ്യ പരിശോധന പൂർത്തിയാക്കുകയും വേണം.

നിയമവിരുദ്ധമായി ബാലവേല ചെയ്യിപ്പിച്ചാൽ കമ്പനിക്കെതിരെയും രക്ഷിതാക്കൾക്കെതിരെയും നടപടികളെടുക്കുമെന്ന് അധികൃതർ മുന്നറിയിപ്പ് നൽകി.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa