അവധിക്ക് പോയ സൗദി പ്രവാസി നാട്ടിൽ അസുഖബാധിതനായി മരിച്ചു

ദമ്മാം: നാട്ടിലേയ്ക്ക് അവധിയ്ക്ക് പോയ, നവയുഗം സാംസ്ക്കാരികവേദി തുഗ്‌ബ അസീസിയ ബഗ്ലഫ് യൂണിറ്റ് രക്ഷാധികാരിയായ ജേക്കബ് ജോർജ്ജ് (62) അസുഖബാധിതനായി നിര്യാതനായി.

ചെമ്പോലയിൽ മാലം വീട്ടിൽ പരേതനായ സി വി ജോർജ്ജിൻ്റെ മകനായ ജേക്കബ് ജോർജ്ജ് (62) സൗദി അറേബ്യയിലെ ഖോബാറിലുള്ള അൽ-കവാരി ഗ്രൂപ്പിൽ ദീർഘകാലമായി ജോലി ചെയ്തു വരികയായിരുന്നു. നവയുഗത്തിന്റെ പ്രവർത്തനങ്ങളിലൂടെ കോബാറിലെ സാമൂഹ്യസാംസ്ക്കാരികമേഖലയിലും  അദ്ദേഹം സജീവമായിരുന്നു.

ആരോഗ്യപരമായ പ്രശ്നങ്ങളെത്തുടർന്ന് കമ്പനിയിൽ നിന്നും ദീർഘകാലത്തെ അവധിയെടുത്ത് നാട്ടിലേയ്ക്ക് പോകുകയായിരുന്നു.
നാട്ടിൽ വെച്ച് ഹ്യദയ സംബന്ധമായ ശസ്ത്രക്രിയയ്ക്ക് ശേഷം ഏറെ നാളായി വിശ്രമത്തിലായിരുന്നു. കഴിഞ്ഞ വ്യാഴഴ്ച തലച്ചോറിലുണ്ടായ രക്തസ്രാവത്തെ തുടർന്നായിരുന്നു മരണം.

ജേക്കബ് ജോർജ്ജിന്റെ നിര്യാണത്തിൽ നവയുഗം കേന്ദ്രകമ്മിറ്റി അനുശോചനം അറിയിച്ചു. എല്ലാവരോടും വളരെ ഊഷ്മളമായ സഹൃദവും, ആത്മാർത്ഥതയും, ലാളിത്യവും ജീവിതത്തിലുടനീളം പുലർത്തിയ വ്യക്തിയായിരുന്നു ശ്രീ ജേക്കബ് ജോർജ്ജ് എന്ന് നവയുഗം അനുശോചനസന്ദേശത്തിൽ പറഞ്ഞു.

ഭാര്യ: അയ്മനം കണ്ടമുണ്ടാരിയിൽ ലളിതമ്മ.മക്കൾ: ജോയൽ (എഷ്യാനെറ്റ്), ഡോണൽ (വിദ്യാർത്ഥി).

സംസ്കാരം തിങ്കളാഴ്ച്ച (31-10 -22) 11 മണിക്ക് കോട്ടയം വേളൂർ പാണംപടി സെൻ്റ് മേരീസ് യാക്കോബായ സുറിയാനി പള്ളിയിൽ നടക്കും.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa