അബ്ദുൽ ഇലാഹ് ബിൻ സഊദ് രാജകുമാരൻ അന്തരിച്ചു

പ്രമുഖ സൗദി രാജകുടുംബാംഗം അബ്ദുൽ ഇലാഹ് ബിൻ സഊദ് ബിൻ അബ്ദുൽ അസീസ് രാജകുമാരൻ അന്തരിച്ചു.

സൗദി റോയൽ കോർട്ടാണ് രാജകുമാരന്റെ മരണ വാർത്ത പുറത്ത് വിട്ടത്.

മുൻ സൗദി ഭരണാധികാരി സ ഊദ് രാജാവിന്റെ മകനും സൽമാൻ രാജാവിന്റെ സഹോദര പുത്രനുമാണ്.

തിങ്കളാഴ്ച അസ്വർ നമസ്ക്കാരാനന്തരം റിയാദ് ഇമാം തുർക്കി മസ്ജിദിൽ വെച്ച് ജനാസ നമസ്ക്കാരം നിർവ്വഹിക്കപ്പെടും.

അല്ലാഹുവിന്റെ കാരുണ്യവും പാപമോചനവും പരേതനു ലഭിക്കട്ടേയെന്നും സ്വർഗീയവകാശികളിൽ ഉൾപ്പെടുത്തട്ടേയെന്നും റോയൽ കോർട്ട് അനുശോചനക്കുറിപ്പിൽ പ്രാർഥിച്ചു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa