കാലാവസ്ഥാ വ്യതിയാനം; സൗദിയിലെ മൂന്ന് ഏരിയകളിൽ സ്കൂളുകൾക്ക് അവധി

കാലാവസ്ഥാ വ്യതിയാനം ഉണ്ടാകുമെന്ന കാലാവസ്ഥാ നിരീക്ഷണ വിഭാഗത്തിന്റെ മുന്നറിയിപ്പിനെത്തുടർന്ന് രാജ്യത്തിന്റെ വിവിധ ഭാഗങ്ങളിൽ തിങ്കളാഴ്ച വിദ്യാഭ്യാസ സ്ഥാപനങ്ങൾക്ക് അധികൃതർ അവധി പ്രഖ്യാപിച്ചു.

തിങ്കളാഴ്ച വിദ്യാഭ്യാസ സ്ഥാപനങ്ങൾക്ക് അവധിയായിരിക്കുമെന്ന് ജിസാൻ വിദ്യാഭ്യാസ വകുപ്പ് അറിയിച്ചു.

അസീർ വിദ്യാഭ്യാസ വകുപ്പും തിങ്കളാഴ്ച സ്കൂളുകൾക്ക് അവധി പ്രഖ്യാപിച്ചിട്ടുണ്ട്.

നജ്രാൻ, ഖബാഷ്, ഥാർ, ഹബൂന, ബദർ ജനൂബ്, യദ്മ എന്നിവിടങ്ങളിൽ വിദ്യാഭ്യാസ സ്ഥാപനങ്ങൾക്ക് നജ്രാൻ വിദ്യാഭ്യാസ വകുപ്പും അവധി പ്രഖ്യാപിച്ചു.

അവധി പ്രഖ്യാപിച്ച ഏരിയകളിൽ നേരിട്ടുള്ള ക്ലാസുകൾക്ക് പകരം മദ്രസതീ പ്ലാറ്റ്ഫോം വഴി ഓൺലൈൻ ക്ലാസുകൾ ലഭ്യമാക്കും.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa