പത്ത് ദിവസം മുമ്പ് നാട്ടിൽ നിന്നെത്തി ചികിത്സാർഥം വീണ്ടും നാട്ടിൽ പോകാനിരുന്ന മലയാളി യാത്രാ ദിവസം മരിച്ചു

റിയാദ്​: നാട്ടിൽ പോകാനിരുന്ന ദിവസം എറണാകുളം സ്വദേശിയെ റിയാദിലെ താമസസ്ഥലത്ത്​ മരിച്ച നിലയിൽ കണ്ടെത്തി.

തോപ്പുംപടി കല്ലിങ്ങൽ വീട്ടിൽ പോൾസൺ (56) ആണ്​ മൻഫുഅയിലെ റൂമിൽ മരിച്ച നിലയിൽ കാണപ്പെട്ടത്.

കഴിഞ്ഞ ഞായറാഴ്​ച രാവിലെ 11 മണിക്ക് സൗദിയ​ വിമാനത്തിൽ നാട്ടിലേക്ക് പോകാൻ പോൾസൺ ടിക്കറ്റ്​ എടുത്തിരുന്നു. അന്നേ ദിവസം രാവിലെ ഇദ്ദേഹത്തിന്റെ സുഹൃത്തുക്കൾ റൂമിലെത്തിയപ്പോഴാണ്​ ബെഡിൽ മരിച്ച നിലയിൽ കാണാനിടയായത്.

പ്രമേഹബാധിതനായിരുന്ന പോൾസൺ റി എൻട്രിയിൽ നാട്ടിൽ​ പോയി​ മരിക്കുന്നതിന്​ 10 ദിവസം മുമ്പായിരുന്നു വീണ്ടും റിയാദിൽ തിരിച്ചെത്തിയത്​. എന്നാൽ രോഗം ശക്തമായതിനാൽ വിദഗ്​ധ ചികിത്സക്കായി വീണ്ടും നാട്ടിൽ പോകാൻ ഒരുങ്ങിയതായിരുന്നു.

കഴിഞ്ഞ 26 വർഷമായി റിയാദിലുള്ള പോൾസൺ ഒരു പ്രിന്റിങ്​ പ്രസിൽ ജോലി ചെയ്യുകയായിരുന്നു. ഭാര്യ: റൂബി. മക്കൾ: അയോണ, അലന. മരണാനന്തര നിയമനടപടികൾ ബാബുജി കടക്കലി​ന്റെ നേതൃത്വത്തിൽ നവോദയ പ്രവർത്തകർ പൂർത്തീകരിച്ച് വരുന്നു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa

പ്രവാസി വോയ്‌സ് വാട്ട്സ്ആപ്പ് ചാനൽ ഫോളോ ചെയ്യാൻ👇
https://whatsapp.com/channel/0029Vaiawe4Elagm2wyOzH2Q