റോഡ് ഗുണനിലവാര സൂചികയിൽ സൗദി അറേബ്യ G-20 രാജ്യങ്ങളിൽ നാലാം സ്ഥാനത്ത്

റിയാദ് : സൗദി റോഡ്‌സ് ജനറൽ അതോറിറ്റി നടത്തിയ സർവേ പ്രകാരം സൗദി അറേബ്യയുടെ റോഡ് ഗുണനിലവാര സൂചിക 5.7 ആയി ഉയർന്നു.

സൗദി അറേബ്യയിലുടനീളമുള്ള 77 ശതമാനത്തിലധികം റോഡുകളും സുരക്ഷാ മാനദണ്ഡങ്ങൾ പാലിക്കുന്നുണ്ടെന്നും ഇത് കഴിഞ്ഞ വർഷം ലക്ഷ്യമിട്ടിരുന്ന 66 ശതമാനത്തേക്കാൾ കൂടുതലാണെന്നും സർവേ ചൂണ്ടിക്കാട്ടുന്നു. G20 രാജ്യങ്ങളിൽ സൗദി നാലാം സ്ഥാനത്താണ്.

സുരക്ഷ, ഗുണനിലവാരം, ഗതാഗത സാന്ദ്രത എന്നിവയിൽ ശ്രദ്ധ കേന്ദ്രീകരിക്കുന്ന റോഡ്‌സ് സെക്ടർ സ്‌ട്രാറ്റജി ആരംഭിച്ച് 500 ദിവസങ്ങൾക്ക് ശേഷമാണ് ഈ പ്രകടന ഫലങ്ങൾ വെളിപ്പെടുത്തിയത്.

റോഡ്‌സ് ജനറൽ അതോറിറ്റി സർവേ നടത്തി റോഡുകളുടെ ഗുണനിലവാരം, ഗതാഗത സുരക്ഷ എന്നിവ സംഘടിപ്പിക്കുന്നതിനും ഉയർത്തുന്നതിനുമുള്ള വിവിധ പദ്ധതികൾ നടപ്പാക്കിയിട്ടുണ്ട്. 

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa