തണുപ്പിനെ പ്രതിരോധിക്കാൻ വിറക് കത്തിക്കുന്നവർക്ക് സൗദി സിവിൽ ഡിഫൻസിന്റെ മുന്നറിയിപ്പ്

സൗദിയിൽ തണുപ്പിനെ പ്രതിരോധിക്കാൻ വിറകും കൽക്കരിയും കത്തിക്കുന്നവർ സുരക്ഷാ മാർഗ്ഗ നിർദ്ദേശങ്ങൾ പാലിക്കണമെന്ന് സിവിൽ ഡിഫൻസ്.

വീട്ടിനകത്ത് തീ കത്തിക്കുന്നവർ പുറത്തിറങ്ങുന്ന സമയത്ത് തീ അണക്കണമെന്നും തീ കത്തിച്ചുവെച്ചുകൊണ്ട് ഉറങ്ങരുതെന്നും ഡിഫൻസ് മുന്നറിയിപ്പ് നൽകി.

അടച്ചിട്ട സ്ഥലങ്ങളിൽ തീ കത്തിക്കുമ്പോൾ കാർബൺ മോണോക്സൈഡ് വാതകം ഉത്പാദിപ്പിക്കപ്പെടുന്നു. ഇത് ശ്വാസം മുട്ടലിനും, മരണത്തിനും കാരണമാകും.

അതുപോലെ തന്നെ ചെറിയ കുട്ടികൾ തീയിനടുത്തേക്ക് പോകുന്നത് ശ്രദ്ധിക്കണമെന്നും സിവിൽ ഡിഫൻസ് പറഞ്ഞു.

ആഴ്ചകൾക്ക് മുമ്പ് അസീർ മേഖലയിൽ തണുപ്പകറ്റാൻ റൂമിൽ വിറക് കത്തിച്ച പ്രവാസി മലയാളി പുക ശ്വസിച്ച് മരണപ്പെട്ടിരുന്നു.

അൽ നമാസിലെ അൽ താരിഖിൽ വീട്ടു ജോലി ചെയ്തിരുന്ന, 45 കാരനായ വയനാട് പാപ്ലശ്ശേരി സ്വദേശി തുക്കടക്കുടിയിൽ അസൈനാർ ആയിരുന്നു മരിച്ചത്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa