നരനായാട്ട് തുടരുന്നു; ഗാസയിൽ വീണ്ടും സ്‌കൂളുകൾക്കും ആശുപത്രികൾക്കും നേരെ ഇസ്രായേൽ ആക്രമണം
വെടിനിർത്തൽ ചർച്ചകൾ തുടരുന്നതിനിടെ ഗാസയിൽ അഭയ കേന്ദ്രങ്ങളായി പ്രവർത്തിക്കുന്ന സ്‌കൂളുകൾക്കും ആശുപത്രികൾക്കും നേരെ ഇസ്രയേൽ ആക്രമണം നടത്തി.
ആക്രമണത്തിൽ 8 പേർ മരിക്കുകയും നിരവധി പേർക്ക് പരിക്കേൽക്കുകയും ചെയ്തതായി സിവിൽ എമർജൻസി സർവീസ് റിപ്പോർട്ട് ചെയ്തു.
വടക്കൻ ഗാസയിലെ ജബാലിയയിലുള്ള അൽ-അവ്ദ ആശുപത്രിക്ക് നേരെ ഇസ്രായേൽ സൈന്യം വെടിയുതിർക്കുകയാണെന്ന് ഗാസ ആരോഗ്യ മന്ത്രാലയം അറിയിച്ചു.
വടക്കൻ ഗാസയിലെ തന്നെ കമാൽ അദ്‌വാൻ ഹോസ്പിറ്റലിൽ മുന്നറിയിപ്പില്ലാതെ കനത്ത ബോംബാക്രമണം നടത്തുന്നതിനിടെയാണ് വീണ്ടുമൊരു ആശുപത്രി കൂടി ആക്രമിക്കപ്പെട്ടത്.
ശനിയാഴ്ച, നുസെറാത്ത് അഭയാർത്ഥി ക്യാമ്പിലെയും സെൻട്രൽ ഗാസ മുനമ്പിലെ ദേർ അൽ-ബലാഹ് നഗരത്തിലെയും രണ്ട് വീടുകൾക്ക് നേരെ ഇസ്രായേൽ നടത്തിയ വ്യോമാക്രമണത്തിൽ രണ്ട് കുട്ടികളടക്കം 10 ഫലസ്തീനികൾ കൊല്ലപ്പെട്ടിരുന്നു.
അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa