സൗദിയിൽ വൻ മയക്ക് മരുന്ന് വേട്ട

റിയാദ് : രാജ്യത്തിന്റെ കിഴക്കൻ പ്രവിശ്യയിലെ അൽ-ബത്ത അതിർത്തി ക്രോസിംഗ് വഴി മൊത്തം 8,17,733 മയക്ക് മരുന്ന് ഗുളികകൾ കടത്താനുള്ള രണ്ട് വ്യത്യസ്ത ശ്രമങ്ങൾ സകാത്ത്, നികുതി, കസ്റ്റംസ് അതോറിറ്റി  തകർത്തു. 

ആദ്യ കേസിൽ, ഒരു ട്രക്കിന്റെ പിൻ ടയർ അറയിൽ ഒളിപ്പിച്ച നിലയിൽ 7,97,647 ഗുളികകൾ ഉദ്യോഗസ്ഥർ കണ്ടെത്തി. രണ്ടാമത്തെ കേസിൽ, ക്രോസിംഗിൽ എത്തിയ മറ്റൊരു ട്രക്കിന്റെ വിവിധ ഭാഗങ്ങളിൽ ഒളിപ്പിച്ച നിലയിൽ 20,086 മയക്ക് മരുന്ന് ഗുളികകൾ  പിടിച്ചെടുത്തു. 

രാജ്യത്തിന്റെ പ്രവേശന പോയിന്റുകളിലുടനീളം കസ്റ്റംസ് നിയന്ത്രണങ്ങൾ കർശനമാക്കുന്നതിനും കള്ളക്കടത്തും മയക്കുമരുന്നും മറ്റ് നിരോധിത വസ്തുക്കളും കൊണ്ടുവരുന്നത് തടയുന്നതിനുമുള്ള പ്രതിബദ്ധത അധികൃതർ വീണ്ടും ഓർമ്മിപ്പിച്ചു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa