എക്സ്പോ 2030-ലേക്ക് സൗദി അറേബ്യ 197 രാജ്യങ്ങളെ ക്ഷണിക്കും, 42 ദശലക്ഷം സന്ദർശകർ എത്തുമെന്ന് പ്രതീക്ഷ

എക്സ്പോ 2030 റിയാദ്-ൽ പങ്കെടുക്കാൻ 197 രാജ്യങ്ങളെ ക്ഷണിക്കാൻ സൗദി അറേബ്യ ഉദ്ദേശിക്കുന്നതായി എക്സ്പോ 2030-ന്റെ സിഇഒ തലാൽ അൽ-മർറി പറഞ്ഞു. ആഗോളതലത്തിൽ നടക്കുന്ന പരിപാടിയിൽ ഏകദേശം 42 ദശലക്ഷം സന്ദർശകർ എത്തുമെന്നും അദ്ദേഹം പ്രതീക്ഷ പുലർത്തി.

എക്‌സ്‌പോ 2030 റിയാദ് സൈറ്റ് ഏകദേശം ആറ് ദശലക്ഷം ചതുരശ്ര മീറ്ററിൽ വ്യാപിച്ചുകിടക്കുമെന്ന് തലാൽ പറഞ്ഞു. എക്‌സ്‌പോ 2030 ലെ വിവിധ സൗകര്യങ്ങൾ ഷെഡ്യൂളിന് മുമ്പായി തയ്യാറാകുമെന്ന് അദ്ദേഹം പറഞ്ഞു. “റിയാദിന്റെ ദിരിയ, ഖിദ്ദിയ പോലുള്ള മെഗാ പദ്ധതികളും തയ്യാറാകും.”

എക്സ്പോ 2030 ന്റെ അടിസ്ഥാന സൗകര്യ വികസന പ്രവർത്തനങ്ങൾ ഈ വർഷം അവസാനത്തോടെ ആരംഭിക്കുമെന്ന് അദ്ദേഹം സൂചിപ്പിച്ചു. സന്ദർശകരുടെ സഞ്ചാരം സുഗമമാക്കുന്നതിനായി മെട്രോ ശൃംഖല റിയാദിന്റെ വിവിധ ഭാഗങ്ങളെ എക്സ്പോ സൈറ്റുമായി ബന്ധിപ്പിക്കുമെന്ന് തലാൽ പറഞ്ഞു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa