ഇന്ത്യയിൽ നിന്ന് 1,75,025 പേർക്ക് ഹജ്ജിനവസരം; ഹജ്ജ് കരാർ ഒപ്പിട്ടു

ജിദ്ദ: 2026-ലെ സൗദി-ഇന്ത്യ ഹജ്ജ് ഉഭയകക്ഷികരാറിൽ സൗദി ഹജ്ജ്, ഉംറ മന്ത്രി ഡോ. തൗഫീഖ് അൽ റബിഅയും ഇന്ത്യൻ പാർലമെൻററികാര്യ-ന്യൂനപക്ഷ ക്ഷേമ മന്ത്രി കിരൺ റിജിജുവും ഒപ്പു വെച്ചു.

കഴിഞ്ഞ വർഷത്തെ അതെ ​​​ക്വോട്ടയായ 1,75,025 തീർഥാടകർ തന്നെയാണ് 2026 ഹജ്ജിനും ഇന്ത്യയിൽനിന്ന്​ ഹജ്ജിനെത്തുക.

ഇന്ത്യൻ തീർഥാടകർക്കുള്ള സൗകര്യങ്ങൾ, ഗതാഗതം, താമസം, ആരോഗ്യ സേവനങ്ങൾ എന്നിവ മെച്ചപ്പെടുത്തുന്നതിനുള്ള നടപടികളും തീർഥാടനം സുഗമവും സുഖകരവുമാക്കാൻ ആവശ്യമായ ഏകോപനവും ലോജിസ്​റ്റിക് പിന്തുണയും ശക്തിപ്പെടുത്തുന്നതും ഇരു മന്ത്രിമാരും ചർച്ച ചെയ്തു. ജിദ്ദയിൽ ആയിരുന്നു കരാർ ഒപ്പിട്ടത്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa