സൗദി കിരീടാവകാശി മുഹമ്മദ് ബിൻ സൽമാൻ രാജകുമാരന് ഖത്തർ അമീറിൻ്റെ കത്ത്; വിവിധ മേഖലകളിൽ ബന്ധങ്ങൾ ശക്തിപ്പെടുത്തുന്നതിൽ ചർച്ച

സൗദി കിരീടാവകാശിയും പ്രധാനമന്ത്രിയുമായ മുഹമ്മദ് ബിൻ സൽമാൻ രാജകുമാരന്ഖ, ത്തർ അമീർ ഷെയ്ഖ് തമീം ബിൻ ഹമദ് അൽ ഥാനിയിൽ നിന്ന് കത്ത് ലഭിച്ചു. ഇരു സഹോദര രാജ്യങ്ങളും തമ്മിലുള്ള ഉഭയകക്ഷി ബന്ധത്തെക്കുറിച്ചാണ് സന്ദേശം.

കിരീടാവകാശിക്ക് വേണ്ടി, സൗദി വിദേശകാര്യ മന്ത്രി പ്രിൻസ് ഫൈസൽ ബിൻ ഫർഹാൻ ബിൻ അബ്ദുല്ലയുടെ സാന്നിധ്യത്തിൽ, വിദേശകാര്യ സഹമന്ത്രി എഞ്ചിനീയർ വലീദ് ബിൻ അബ്ദുൽ കരീം അൽ-ഖുറൈജി റിയാദിലെ മന്ത്രാലയം ആസ്ഥാനത്ത് വെച്ച് ഖത്തർ അംബാസഡർ ബന്ദർ മുഹമ്മദ് അൽ-അത്തിയയിൽ നിന്നാണ് കത്ത് ഏറ്റുവാങ്ങിയത്.

കത്ത് സ്വീകരിക്കുന്നതിനിടെ നടന്ന കൂടിക്കാഴ്ചയിൽ, ഇരു രാജ്യങ്ങളും തമ്മിലുള്ള ഉഭയകക്ഷി ബന്ധങ്ങൾ അവലോകനം ചെയ്തു. വിവിധ മേഖലകളിൽ ഈ ബന്ധങ്ങൾ കൂടുതൽ ശക്തിപ്പെടുത്തുന്നതിനുള്ള വഴികൾ ചർച്ച ചെയ്തു. കൂടാതെ, പൊതുവായ താൽപ്പര്യമുള്ള വിഷയങ്ങളെക്കുറിച്ചും ചർച്ച നടന്നു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa