സൗദി അറേബ്യയിൽ താപനില പൂജ്യത്തിലേക്ക്; വാഹനമോടിക്കുന്നവർ ഈ ആറ് കാര്യങ്ങൾ ശ്രദ്ധിക്കുക

ശൈത്യകാലം തുടങ്ങിയതോടെ സൗദി അറേബ്യയുടെ വിവിധ ഭാഗങ്ങളിൽ താപനില ഗണ്യമായി കുറഞ്ഞു തുടങ്ങി. ഈ ആഴ്ചയോടെ തബൂക്ക്, അൽ-ജൗഫ്, ഹായിൽ, വടക്കൻ അതിർത്തികൾ എന്നിവിടങ്ങളിൽ താപനില 4°C മുതൽ 0°C വരെയായി കുറഞ്ഞേക്കാം.

ഈ കഠിനമായ സാഹചര്യങ്ങളിൽ വാഹനങ്ങൾ കൈകാര്യം ചെയ്യുന്നത് ഈ പ്രദേശങ്ങളിലെ താമസക്കാർക്ക് ഒരു വെല്ലുവിളിയായേക്കാം. കടുത്ത തണുപ്പിൽ വാഹനങ്ങൾ സുരക്ഷിതമായി നിലനിർത്തുന്നതിനും സ്റ്റാർട്ട് ചെയ്യുന്നതിലെ ബുദ്ധിമുട്ടുകൾ ഒഴിവാക്കുന്നതിനും വിദഗ്ദ്ധർ ചില സുപ്രധാന നിർദ്ദേശങ്ങൾ മുന്നോട്ട് വെക്കുന്നു:

ബാറ്ററി പരിശോധന നിർബന്ധം
ശൈത്യതരംഗം തുടങ്ങുന്നതിന് മുൻപ് തന്നെ വാഹനത്തിൻ്റെ ബാറ്ററി പരിശോധിച്ച് ഗുണമേന്മ ഉറപ്പുവരുത്തണം. തണുപ്പ് കൂടുമ്പോൾ ബാറ്ററി പ്രവർത്തനക്ഷമമല്ലാതാകാനുള്ള സാധ്യത കൂടുതലാണ്. നല്ല ഗുണമേന്മയുള്ള ബാറ്ററിയാണെങ്കിൽ, തണുപ്പുള്ള കാലാവസ്ഥയിലും കാർ സ്റ്റാർട്ട് ചെയ്യുന്നതിലുള്ള ബുദ്ധിമുട്ട് ഒഴിവാക്കാം.

ശരിയായ എഞ്ചിൻ ഓയിൽ തിരഞ്ഞെടുക്കുക
ഈ തണുപ്പുകാലത്ത് ഉചിതമായ എഞ്ചിൻ ഓയിൽ തിരഞ്ഞെടുക്കുന്നത് നിർണായകമാണ്. എഞ്ചിൻ പ്രകടനം മെച്ചപ്പെടുത്തുന്നതിന്, കുറഞ്ഞ വിസ്കോസിറ്റി (Low Viscosity) ഉള്ള ഓയിൽ ഉപയോഗിക്കുന്നതാണ് നല്ലത്. തണുപ്പുള്ള സാഹചര്യങ്ങളിൽ എഞ്ചിൻ ഓയിലിൻ്റെ ഒഴുക്ക് മെച്ചപ്പെടുത്താൻ ഇത് സഹായിക്കും.

വാഹനം ചൂടായതിന് ശേഷം മാത്രം ഡ്രൈവ് ചെയ്യുക
കാർ സ്റ്റാർട്ട് ചെയ്തതിന് ശേഷം ഉടൻ തന്നെ യാത്ര തിരിക്കുന്നതിന് പകരം, എഞ്ചിൻ കുറച്ച് സമയം പ്രവർത്തിപ്പിച്ച് ചൂടാക്കിയതിന് ശേഷം മാത്രം ഡ്രൈവ് ചെയ്യാൻ വിദഗ്ധർ ശുപാർശ ചെയ്യുന്നു. ഇത് എഞ്ചിനിലെ ഘടകഭാഗങ്ങൾക്ക് ആവശ്യമായ ലൂബ്രിക്കേഷൻ ലഭിക്കാനും സുഗമമായ യാത്രക്കും സഹായിക്കും.

ഫ്ലൂയിഡ് നിലകൾ ഉറപ്പാക്കുക
എഞ്ചിൻ ഓയിൽ, കൂളൻ്റ്, ബ്രേക്ക് ഫ്ലൂയിഡ് എന്നിവയുൾപ്പെടെ കാറിൻ്റെ എല്ലാ ഫ്‌ളൂയിഡുകളുടെയും നിലകൾ പരിശോധിക്കണം. പഴയ ഫ്‌ളൂയിഡുകൾ മാറ്റി പുതിയത് നിറയ്ക്കുന്നത് തണുപ്പുകാലത്ത് എഞ്ചിൻ്റെ കാര്യക്ഷമത നിലനിർത്താൻ ആവശ്യമാണ്.

ടയറുകളും ബ്രേക്കിംഗ് സിസ്റ്റവും
മഞ്ഞുവീഴ്ച പ്രതീക്ഷിക്കുന്ന സ്ഥലങ്ങളിൽ, വാഹനം തെന്നിപ്പോവുന്നത് തടയാൻ ഡ്രൈവർമാർ ടയറുകളുടെ അവസ്ഥയും ബ്രേക്കിംഗ് സിസ്റ്റത്തിൻ്റെ കാര്യക്ഷമതയും ഉറപ്പാക്കണം. ടയറുകളിൽ ആവശ്യത്തിന് ഗ്രിപ്പ് ഉണ്ടെന്ന് ഉറപ്പാക്കണം.

അടിയന്തര സാഹചര്യങ്ങൾക്കായി കരുതുക
ഏതെങ്കിലും കാരണവശാൽ കാർ വഴിയിൽ തകരാറിലാകുകയാണെങ്കിൽ തണുപ്പിൽ നിന്ന് രക്ഷ നേടുന്നതിനായി ഒന്നോ അതിലധികമോ ബ്ലാങ്കറ്റുകൾ കാറിൽ കരുതാനും വിദഗ്ദ്ധർ നിർദ്ദേശിക്കുന്നു.

ശൈത്യകാലവും, മഴയും ഒരുമിച്ചതോടെ കോടമഞ്ഞിൽ കുളിച്ച് താഇഫിലെ മലനിരകൾ

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa