സൗദിയിൽ മൂന്ന് മില്യൻ റിയാൽ സായുധ കവർച്ച ചെയ്ത വിദേശികളെ വധ ശിക്ഷക്ക് വിധേയരാക്കി

മക്ക പ്രവിശ്യയിൽ കവർച്ച കേസിൽ പ്രതികളായ രണ്ട് യമനികളുടെ വധ ശിക്ഷ നടപ്പാക്കിയതായി സൗദി ആഭ്യന്തര മന്ത്രാലയം പ്രസ്താവിച്ചു.

പ്രതികൾ, എടിഎമ്മുകളിലേക്ക് പണം വിതരണം ചെയ്യുന്ന രണ്ട് കമ്പനികളുടെ രണ്ട് വാഹനങ്ങൾ ആക്രമിക്കുകയും രണ്ട് കമ്പനികളിലെയും രണ്ട് ജീവനക്കാരെ വെടിവച്ച് പരിക്കേൽപ്പിക്കുകയും, കൂടാതെ രണ്ട് കവർച്ച പ്രവർത്തനങ്ങളിലുമായി 3 ദശലക്ഷം റിയാൽ മോഷ്ടിക്കുകയും ചെയ്തതായി മന്ത്രാലയം വിശദീകരിച്ചു.

നിരപരാധികളെ ആക്രമിക്കുകയും, അവരുടെ പണം മോഷ്ടിക്കുകയും അവരുടെ ജീവിക്കാനുള്ള അവകാശവും സുരക്ഷയും ലംഘിക്കുകയും ചെയ്യുന്ന ഏതൊരാൾക്കും എതിരെ, സുരക്ഷ നിലനിർത്തുന്നതിനും നീതി കൈവരിക്കുന്നതിനും ഇസ് ലാമിക ശരീഅത്തിലെ വ്യവസ്ഥകൾ നടപ്പിലാക്കുന്നതിനുമുള്ള സൗദി സർക്കാരിന്റെ പ്രതിബദ്ധത മന്ത്രാലയം സ്ഥിരീകരിച്ചു. അത്തരം പ്രവൃത്തികൾ ചെയ്യാൻ ധൈര്യപ്പെടുന്ന ആർക്കും നിയമപരമായ ശിക്ഷ നേരിടേണ്ടിവരുമെന്ന് മന്ത്രാലയം  മുന്നറിയിപ്പ് നൽകുകയും ചെയ്തു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa