സൗദിയിലെ നഗരങ്ങൾക്കുള്ളിലെ ട്രെയിൻ യാത്രക്കാരുടെ എണ്ണത്തിൽ വൻ വർദ്ധനവ് ; നഗരങ്ങൾക്കിടയിലുള്ള യാത്രക്കാരുടെ എണ്ണത്തിൽ കുറവ്
സൗദി ജനറൽ അതോറിറ്റി ഫോർ സ്റ്റാറ്റിസ്റ്റിക്സ് പുറത്തുവിട്ട 2025-ലെ റെയിൽവേ ഗതാഗത കണക്കുകൾ പ്രകാരം, നഗരങ്ങൾക്കുള്ളിലെ ട്രെയിൻ യാത്രക്കാരുടെ എണ്ണം 2024-ലെ 3.11 കോടിയിൽ നിന്ന് 2025-ൽ 14.54 കോടിയായി ഉയർന്നു. 368 ശതമാനമാണ് വർധന.
അതേസമയം, നഗരങ്ങൾ തമ്മിലുള്ള ട്രെയിൻ യാത്രക്കാരുടെ എണ്ണം 2024ലെ 1.16 കോടിയിൽ നിന്ന് 2025ൽ 1.09 കോടിയായി കുറഞ്ഞു. 5.6 ശതമാനമാണ് ഇടിവ്.
നഗരങ്ങൾക്കുള്ളിലെയും നഗരങ്ങൾ തമ്മിലെയും ട്രെയിൻ യാത്രക്കാരുടെ ആകെ എണ്ണം 2024ലെ 4.27 കോടിയിൽ നിന്ന് 2025ൽ ഏകദേശം 16.54 കോടിയായി ഉയർന്നു. 286.5 ശതമാനമാണ് ആകെ വർധന.
മറ്റ് കണക്കുകൾ പ്രകാരം, നഗരങ്ങൾ തമ്മിലുള്ള യാത്രാ ട്രെയിനുകൾ ആകെ 42,827 സർവീസുകൾ നടത്തി. റെയിൽവേ വഴിയുള്ള ചരക്കുഗതാഗതത്തിനായി 8,885 സർവീസുകളും നടത്തി.
റെയിൽവേ വഴി ആകെ 1.61 കോടി ടൺ ചരക്കുകൾ കടത്തിയതായും 9.154 ലക്ഷം സ്റ്റാൻഡേർഡ് കണ്ടെയ്‌നറുകൾ കൈമാറിയതായും കണക്കുകൾ വ്യക്തമാക്കുന്നു.
അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
Arabian Malayali WhatsApp Group
