ഭീകരപ്രവർത്തനത്തിലേർപ്പെട്ട രണ്ട് സൗദികളുടെ വധശിക്ഷ നടപ്പാക്കി

റിയാദ്: ഭീകരപ്രവർത്തനത്തിലേർപ്പെട്ട രണ്ട് സൗദി പൗരന്മാരുടെ വധശിക്ഷ നടപ്പാക്കിയതായി സൗദി ആഭ്യന്തരമന്ത്രാലയം പ്രസ്താവിച്ചു.

അബ്ദുൽ റഹീം ബിൻ ഹമദ് ബിൻ മുഹമ്മദ് അൽ ഖർമാനി, തുർക്കി ബിൻ ഹിലാൽ ബിൻ സനദ് അൽ മുതൈരി എന്നിവരെയാണ് വധ ശിക്ഷക്ക് വിധേയരാക്കിയത്.

പ്രതികൾ ഒരു തീവ്രവാദ സംഘടനയിൽ ചേരുകയും, രാജ്യത്തിനകത്ത് സുരക്ഷാ ഉദ്യോഗസ്ഥരെ കൊല്ലുക എന്ന ഉദ്ദേശ്യത്തോടെ വെടിവയ്ക്കുകയും സ്ഫോടകവസ്തുക്കൾ നിർമ്മിക്കുകയും കൈവശം വയ്ക്കുകയും ചെയ്യുകയും തീവ്രവാദ പ്രവർത്തനങ്ങൾക്ക് ധനസഹായം നൽകുകയും പിന്തുണയ്ക്കുകയും ചെയ്യുകയും ചെയ്തതായി മന്ത്രാലയം വ്യക്തമാക്കി.

നിരപരാധികളെ ആക്രമിക്കുകയോ, രക്തം ചിന്തുകയോ, ജീവിക്കാനും സുരക്ഷിതത്വത്തിനുമുള്ള അവകാശം ലംഘിക്കുകയോ ചെയ്യുന്ന ഏതൊരാൾക്കും അർഹമായ ശിക്ഷ അനുഭവിക്കേണ്ടി വരുമെന്ന് മന്ത്രാലയം ഓർമ്മിപ്പിച്ചു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
Arabian Malayali WhatsApp Group