കുട്ടികൾക്ക് സ്കൂൾ ബാഗ് തിരഞ്ഞെടുക്കുമ്പോൾ ശ്രദ്ധിക്കുക: മാർഗനിർദേശങ്ങളുമായി സൗദി ആരോഗ്യ മന്ത്രാലയം

കുട്ടികൾക്ക് സ്കൂൾ ബാഗ് തിരഞ്ഞെടുക്കുമ്പോൾ ശ്രദ്ധിക്കേണ്ട കാര്യങ്ങളെക്കുറിച്ച് സൗദി ആരോഗ്യ മന്ത്രാലയം മാർഗനിർദേശങ്ങൾ പുറത്തിറക്കി.

കുട്ടികളെ നടുവേദനയിൽ നിന്നും മറ്റ് ആരോഗ്യപ്രശ്നങ്ങളിൽ നിന്നും സംരക്ഷിക്കുന്നതിൽ ശരിയായ ബാഗ് തിരഞ്ഞെടുക്കുന്നത് പ്രധാനമാണെന്ന് മന്ത്രാലയം ചൂണ്ടിക്കാട്ടി.

മന്ത്രാലയം മുന്നോട്ടുവെച്ച പ്രധാന മാനദണ്ഡങ്ങൾ ഇവയാണ്. ബാഗിന് രണ്ട് തോളിലും പാഡ് ചെയ്ത സ്ട്രാപ്പുകൾ ഉണ്ടായിരിക്കണം. ഒരു സ്ട്രാപ്പ് മാത്രമുള്ള ബാഗുകൾ ഒഴിവാക്കണം. ഇത് ഭാരം തുല്യമായി വിതരണം ചെയ്യാൻ സഹായിക്കും.

കൂടാതെ, ഭാരം കൃത്യമായി വിതരണം ചെയ്യാൻ സഹായിക്കുന്നതിനായി ബാഗിന് ഒന്നിലധികം അറകൾ ഉണ്ടായിരിക്കണം.

കുട്ടിയുടെ ശരീരഭാരത്തിന്റെ 10% ൽ താഴെ മാത്രമായിരിക്കണം ബാഗിന്റെ ഭാരം. ഉദാഹരണത്തിന്, ഒരു കുട്ടിയുടെ ഭാരം 30 കിലോഗ്രാം ആണെങ്കിൽ, ബാഗിന്റെ ഭാരം 3 കിലോഗ്രാമിൽ കൂടരുത്.

കുട്ടികളുടെ ആരോഗ്യത്തിന് മുൻഗണന നൽകുന്ന ഈ നിർദേശങ്ങൾ എല്ലാ രക്ഷിതാക്കളും ശ്രദ്ധിക്കണമെന്ന് മന്ത്രാലയം ഓർമ്മിപ്പിച്ചു.

ശരിയായ സ്കൂൾ ബാഗ് തിരഞ്ഞെടുക്കുന്നതിലൂടെ കുട്ടികളുടെ ചലനശേഷി മെച്ചപ്പെടുത്താനും ഭാവിയിൽ ഉണ്ടാകാൻ സാധ്യതയുള്ള ആരോഗ്യ പ്രശ്നങ്ങൾ ഒഴിവാക്കാനും സാധിക്കുമെന്നും മന്ത്രാലയം വ്യക്തമാക്കി.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
Arabian Malayali WhatsApp Group