സൗദിയിലെ വിവിധ കേന്ദ്രങ്ങൾ ലക്ഷ്യമാക്കി ഡ്രോൺ-ബാലിസ്റ്റിക് മിസൈൽ ആക്രമണങ്ങൾ; വിജയകരമായി പ്രതിരോധിച്ചതായി മന്ത്രാലയം
റിയാദ്: സൗദി അറേബ്യയുടെ വിവിധ ഭാഗങ്ങൾ ലക്ഷ്യമിട്ട് നടന്ന ഡ്രോൺ-ബാലിസ്റ്റിക് മിസൈൽ ആക്രമണ ശ്രമങ്ങളെ തകർത്തതായി പ്രതിരോധ മന്ത്രാലയം അറിയിച്ചു.
റിയാദ് നഗരം, ഷെയ്ബ എണ്ണപ്പാടം, പ്രിൻസ് സുൽത്താൻ എയർബേസ് എന്നിവ ലക്ഷ്യമിട്ട് വന്ന ഡ്രോണുകളും ബാലിസ്റ്റിക് മിസൈലുകളുമാണ് സൗദി വ്യോമസേന വിജയകരമായി തടസ്സപ്പെടുത്തി നശിപ്പിച്ചത്.
പ്രതിരോധ മന്ത്രാലയം ഔദ്യോഗിക എക്സ് അക്കൗണ്ട് വഴി പുറത്തുവിട്ട വിവരങ്ങൾ പ്രകാരം കഴിഞ്ഞ കുറച്ചു മണിക്കൂറുകൾക്കുള്ളിൽ രാജ്യത്തിന്റെ വിവിധ ഭാഗങ്ങളിൽ ആക്രമണ ശ്രമങ്ങൾ നടന്നു.
റിയാദ് നഗരത്തിന് കിഴക്ക് ഭാഗം ലക്ഷ്യമിട്ടെത്തിയ ഡ്രോൺ സൗദി വ്യോമസേന വെടിവെച്ചിട്ടു. കൂടാതെ, രാജ്യത്തിന്റെ തന്ത്രപ്രധാനമായ ഷെയ്ബ ഫീൽഡിന് നേരെ എംപ്റ്റി ക്വാർട്ടർ വഴി വിവിധ ഘട്ടങ്ങളിലായി എത്തിയ നിരവധി ഡ്രോണുകളും വ്യോമസേന പൂർണ്ണമായും തകർത്തു.
ഇതിനുപുറമെ, ഖർജ് മേഖലയിലുള്ള പ്രിൻസ് സുൽത്താൻ എയർബേസിന് നേരെ വിക്ഷേപിച്ച ബാലിസ്റ്റിക് മിസൈലിനെയും പ്രതിരോധ സംവിധാനങ്ങൾ വിജയകരമായി തടഞ്ഞതായി മന്ത്രാലയം അറിയിച്ചു.
അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
Arabian Malayali WhatsApp Group