കോവിഡ് വാക്സിനുകൾ എല്ലാവരിലേക്കും എത്തിക്കുന്നതിന് ഒന്നിച്ച് പ്രവർത്തിക്കണം: സൽമാൻ രാജാവ്

കോവിഡ് -19 വാക്‌സിനുകൾ ലഭ്യമാക്കുന്നതിന് ജി 20 രാജ്യങ്ങൾ ഒന്നിച്ച് പ്രവർത്തിക്കണമെന്ന് ശനിയാഴ്ച റിയാദിൽ നടന്ന ജി 20 ഉച്ചകോടിയിലെ ഉദ്ഘാടന പ്രസംഗത്തിൽ സൽമാൻ രാജാവ് ആവശ്യപ്പെട്ടു.

COVID-19 നുള്ള വാക്സിനുകൾ, ചികിത്സകൾ, ഡയഗ്നോസ്റ്റിക്സ് ഉപകരണങ്ങൾ എന്നിവ വികസിപ്പിച്ചെടുക്കുന്നതിൽ ഞങ്ങൾ ശുഭാപ്തി വിശ്വാസമുള്ളവരാണ്. എങ്കിലും എല്ലാ ജനങ്ങൾക്കും ഇവ ലഭ്യമാകാൻ നമ്മൾ പ്രവർത്തിക്കണം.

നമ്മുടെ ജനങ്ങളും സമ്പദ്‌വ്യവസ്ഥകളും ഇപ്പോഴും ഈ ആഘാതം അനുഭവിക്കുന്നുണ്ട്. എങ്കിലും അന്താരാഷ്ട്ര സഹകരണത്തിലൂടെ ഈ പ്രതിസന്ധിയെ മറികടക്കാൻ നാം പരമാവധി ശ്രമിക്കും.

വികസ്വര രാജ്യങ്ങൾക്കുള്ള നമ്മുടെ പിന്തുണ നാം ഇനിയും തുടരണമെന്നും യുവാക്കൾക്കും വനിതകൾക്കും ലേബർ മാർക്കറ്റിൽ അവസരം ഒരുക്കുന്നതിന് പരിശ്രമിക്കണമെന്നും രാജാവ് ആഹ്വാനം ചെയ്തു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa