ഓ. ഐ. സി. റിയാദ് സെന്‍ട്രല്‍ കമ്മിറ്റി തെരഞ്ഞെടുപ്പു കണ്‍വന്‍ഷന്‍ നടത്തി.
റിയാദ്: ത്രിതല പഞ്ചായത്ത് തെരഞ്ഞെടുപ്പുകളില്‍ യു. ഡി. എഫ്. സ്ഥാനാര്‍ഥികളെ വിജയിപ്പിക്കുന്നതിനായി ഒ. ഐ. സി. സി. സെന്‍ട്രല്‍ കമ്മിറ്റി പ്രവര്‍ത്തക കണവന്‍ഷന്‍ സംഘടിപ്പിച്ചു .നാട്ടിലും റിയാദിലും സബ് കമ്മിറ്റികള്‍ ഉണ്ടാക്കി വിപുലമായ പ്രവര്‍ത്തനങ്ങള്‍ സംഘടിപ്പിച്ചിരുന്നു.
അല്‍ മാസ് ആഡിറ്റോറിയത്തില്‍ നടന്ന കണ്‍വന്‍ഷനില്‍ ഒ ഐ സി സി സെന്‍ട്രല്‍ കമ്മിറ്റി വൈസ് പ്രസിഡന്റ് സലിം കളക്കര അധ്യക്ഷത വഹിച്ചു. പ്രസിഡന്റ് കുഞ്ഞി കുമ്പള ഉദ്ഘാടനം നിര്‍വഹിച്ചു. യോഗത്തില്‍ രഘുനാഥ് പറശ്ശിനിക്കടവ് ആമുഖപ്രഭാഷണം നടത്തി.
അഴിമതിയിലും വിശ്വാസ വഞ്ചനയിലും അകപ്പെട്ട ഇടതു സര്‍ക്കാരിനെതിരെ പ്രതികരിക്കാനുള്ള ഏറ്റവും നല്ല അവസരമായി ഈ വരുന്ന ത്രിതല പഞ്ചായത്ത് തിരഞ്ഞെടുപ്പ് മാറുമെന്നും, പ്രവാസികളെ പാടെ അവഗണിച്ച സര്‍ക്കാരിനെതിരെ പ്രതികരിക്കാനുള്ള അവസരമായി പ്രവാസി കുടുംബങ്ങള്‍ ഈ വരുന്ന തിരഞ്ഞെടുപ്പിനെ കാണേണ്ടതുണ്ട് എന്ന് യോഗത്തില്‍ സംസാരിച്ചവര്‍ അഭിപ്രായപ്പെട്ടു.
റസാഖ് പൂക്കോട്ടുംപാടം, നവാസ് വെള്ളിമാട്കുന്ന്, ഷാനവാസ് മുനമ്പത്ത്, അസ്‌ക്കര്‍ കണ്ണൂര്‍, ബാലു കുട്ടന്‍, സുരേഷ് ശങ്കര്‍, ബഷീര്‍ കോട്ടയം, അബ്ദുല്‍ ഖരിം, അബ്ദുല്‍ ജലീല്‍, അമീര്‍ പട്ടണത്ത്, ഉമ്മര്‍ കാസര്‍കോഡ്, മാള മുഹദ്ദീന്‍, അബ്ദുല്‍ സലിം അര്‍ത്തിയില്‍, ഷെഫീഖ് പൂരക്കുന്നില്‍, രാജൂു ത്യശൂര്‍, നാസര്‍ വലപ്പാട് എന്നിവര്‍ സംസാരിച്ചു.
വൈസ് പ്രസിഡന്റ് ഷംനാദ് കരുനാഗപ്പള്ളി സ്വാഗതവും ജനറല്‍ സെക്രട്ടറി യഹിയ കൊടുങ്ങല്ലൂര്‍ നന്ദിയും പറഞ്ഞു.
അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa