സൗദിയിൽ മലയാളി യുവാവ് താമസസ്ഥലത്ത് മരിച്ച നിലയിൽ

റിയാദ്: കൊല്ലം സ്വദേശിയായ യുവാവിനെ റിയാദിലെ താമസസ്ഥലത്ത് മരിച്ച നിലയിൽ കണ്ടെത്തി.

അദിച്ചനല്ലൂർ അനീഷ് രാജനെ (39) യാണ് മരിച്ച നിലയിൽ കണ്ടെത്തിയത്. റിയാദിൽ വർക്ക് ഷോപ്പ് ജീവനക്കാരനായിരുന്നു.

ഈ മാസം അഞ്ചിനായിരുന്നു യുവാവ് അവസാനമായി കുടുംബവുമായി ബന്ധപ്പെട്ടത്. അഞ്ചാം തീയതിക്ക് ശേഷം ജോലിക്കും വന്നിരുന്നില്ല.

തുടർന്ന് 13 ആം തീീയതി വർക്ക് ഷോപ്പിലെ സഹപ്രവർത്തകൻ താമസ സ്ഥലത്ത് പോയി നോക്കിയപ്പോഴായിരുന്നു മരിച്ച നിലയിൽ കണ്ടെത്തിയത്.

പോലീസെത്തി മൃതദേഹം ശുമൈസി ഹോസ്പിറ്റലിലേക്ക് മാറ്റിയിരുന്നു. എന്നാണ് മരിച്ചതെന്ന് വ്യക്തമല്ല.

ഭാര്യയും രണ്ട് കുട്ടികളും അടങ്ങുന്നതാണ് കുടുംബം. മൃതദേഹം നാട്ടിലേക്ക് കൊണ്ട് പോകാനുള്ള നടപടിക്രമങ്ങൾ സാമൂഹിക പ്രവർത്തകരായ സിദ്ദീഖ് തുവ്വൂർ, മഹ്ബൂബ് ചെറിയ വളപ്പ്, അബ്ദുൽ സമദ് എന്നിവരുടെ നേതൃത്വത്തിൽ നടക്കുന്നു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa