സൗദി വിസ സ്റ്റാംബിംഗ് ഇനി കീറാമുട്ടിയാകും; 174 പ്രൊഫഷനുകൾക്ക് ട്രേഡ് ടെസ്റ്റ് നിർബന്ധമാക്കി

സൗദിയിലേക്കുള്ള കൂടുതൽ വിസകൾക്ക് ട്രേഡ് ടെസ്റ്റ് നിർബന്ധമാക്കിയതായി ട്രാവൽ എജൻസികൾ അറേബ്യൻ മലയാളിയെ അറിയിക്കുന്നു.

നേരത്തെ 28 പ്രൊഫഷനുകളിലുള്ള വിസകൾ സ്റ്റാംബ് ചെയ്യാൻ ട്രേഡ് ടെസ്റ്റ് നിർബന്ധമായിരുന്നുവെങ്കിൽ ഇപ്പോൾ 174 പ്രൊഫഷനുകൾക്ക് ട്രേഡ് ടെസ്റ്റ് നിർബന്ധമാക്കിയതായി എടക്കര അൽ റാസ് ട്രാവൽസ് എം.ഡി റിയാബ് അറേബ്യൻ മലയാളിയെ അറിയിച്ചു.

മലയാളികൾ സാധാരണയായി സൗദിയിലേക്ക് ജോലിക്ക് പോകുന്നതിനായി ആശ്രയിച്ചിരുന്ന പ്രൊഫഷനുകളിൽ ഉള്ള വിസകൾക്ക് വരെ ഇപ്പോൾ ട്രേഡ് ടെസ്റ്റ് നിർബന്ധമാക്കിയത് നിരവധി പേർക്ക് പ്രയാസം സൃഷ്ടിക്കും.

കഴിഞ്ഞ ദിവസം തങ്ങൾ ഇഷ്യു ചെയ്യാൻ അയച്ച ഒരു സെയിൽസ്മാൻ പ്രൊഫഷനിലുള്ള വിസ ട്രേഡ് ടെസ്റ്റ് ആവശ്യമുള്ളതിനാൽ എംബസിയിൽ നിന്ന് സ്റ്റാമ്പ് ചെയ്യാതെ മടങ്ങിയ അനുഭവവും അൽ റാസ് എംഡി അറിയിച്ചു.

അതേ സമയം ഇത്രയും പ്രൊഫഷനുകൾക്ക് ട്രേഡ് ടെസ്റ്റ് നടത്തുന്നതിനുള്ള സൗകര്യങ്ങൾ എത്രമാത്രം, എതെല്ലാം സ്ഥലങ്ങളിൽ സജ്ജമാണ് എന്നത് സംബന്ധിച്ച് കൂടുതൽ വിവരങ്ങൾ വൈകാതെ ലഭ്യമാകും എന്നാണ് പ്രതീക്ഷ.

ഏതായാലും സൗദി വിസ സ്റ്റാംബിംഗ് ഉദ്ദേശിക്കുന്നവർ ട്രേഡ് ടെസ്റ്റുമായി ബന്ധപ്പെട്ട വിവരങ്ങൾ മുൻ കൂട്ടി അറിഞ്ഞിരിക്കുന്നത് പിന്നീട് പല പ്രയാസങ്ങളും ഒഴിവാക്കാൻ സഹായകരമാകും.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa