സൗദിയിലെ ഇന്ത്യൻ പൗരന്മാർക്ക് ജാഗ്രതാ നിർദ്ദേശം; ഹെൽപ്പ് ലൈൻ നമ്പറുകൾ പുറത്തുവിട്ടു

റിയാദ്: മേഖലയിൽ നിലനിൽക്കുന്ന പ്രത്യേക സാഹചര്യം മുൻനിർത്തി സൗദി അറേബ്യയിലുടനീളമുള്ള ഇന്ത്യൻ പൗരന്മാർ ജാഗ്രത പാലിക്കണമെന്ന് റിയാദിലെ ഇന്ത്യൻ എംബസി നിർദ്ദേശിച്ചു.

പ്രാദേശിക അധികാരികളും എംബസിയും നൽകുന്ന സുരക്ഷാ മാർഗ്ഗനിർദ്ദേശങ്ങൾ കർശനമായി പാലിക്കണമെന്നും ഔദ്യോഗിക അറിയിപ്പിൽ പറയുന്നു.

സാധാരണ പ്രവർത്തനം: റിയാദിലെ ഇന്ത്യൻ എംബസിയും ജിദ്ദയിലെ കോൺസുലേറ്റും നിലവിൽ സാധാരണ നിലയിൽ പ്രവർത്തിക്കുന്നുണ്ട്.

തുടർച്ചയായ അപ്‌ഡേറ്റുകൾ: മാറിക്കൊണ്ടിരിക്കുന്ന സാഹചര്യങ്ങൾ നിരീക്ഷിച്ചു വരികയാണെന്നും ആവശ്യമായ നിർദ്ദേശങ്ങൾ യഥാസമയം നൽകുമെന്നും എംബസി വ്യക്തമാക്കി.

ജാഗ്രത: പൗരന്മാർ അതീവ ജാഗ്രത പുലർത്തണമെന്നും പ്രാദേശിക ഭരണകൂടത്തിന്റെ നിർദ്ദേശങ്ങൾ പിന്തുടരണമെന്നും എംബസി ആവശ്യപ്പെട്ടു.

അടിയന്തര സഹായത്തിന് (24 X 7 ഹെൽപ്പ് ലൈൻ): എന്തെങ്കിലും അടിയന്തര സാഹചര്യമുണ്ടായാൽ പൗരന്മാർക്ക് താഴെ പറയുന്ന നമ്പറുകളിൽ ബന്ധപ്പെടാവുന്നതാണ്:

ഫോൺ: 00-966-11-4884697
വാട്‌സ്ആപ്പ് (മാത്രം): 00-966-542126748
ടോൾ ഫ്രീ നമ്പർ: 800 247 1234
ഇമെയിൽ: cw.riyadh@mea.gov.in

സൗദിയിലെ പ്രവാസി മലയാളി സമൂഹം ഉൾപ്പെടെയുള്ളവർ ഈ ഹെൽപ്പ് ലൈൻ നമ്പറുകൾ കുറിച്ചുവെക്കണമെന്നും എംബസിയുടെ ഔദ്യോഗിക അറിയിപ്പുകൾക്കായി കാത്തിരിക്കണമെന്നും അഭ്യർത്ഥിക്കുന്നു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa