സൗദിയിലെ കിഴക്കൻ പ്രവിശ്യയിൽ രണ്ട് വീടുകൾക്ക് മുകളിൽ മിസൈൽ അവശിഷ്ടങ്ങൾ വീണതായി സിവിൽ ഡിഫൻസ്; ആർക്കും പരിക്കില്ല
സൗദിയുടെ കിഴക്കൻ പ്രവിശ്യയിൽ അന്തരീക്ഷത്തിൽ വെച്ച് തകർത്ത ബാലിസ്റ്റിക് മിസൈലിന്റെ അവശിഷ്ടങ്ങൾ ജനവാസ മേഖലയിലെ രണ്ട് വീടുകൾക്ക് മുകളിൽ പതിച്ചു.
ഇതിൽ ഒരു വീട് നിർമ്മാണത്തിലിരുന്നതും ആളുകൾ താമസിക്കാത്തതുമായിരുന്നു. സംഭവത്തിൽ വീടുകൾക്ക് ചെറിയ രീതിയിലുള്ള നാശനഷ്ടങ്ങൾ സംഭവിച്ചെങ്കിലും ആർക്കും പരിക്കേറ്റിട്ടില്ലെന്ന് സിവിൽ ഡിഫൻസ് വക്താവ് സ്ഥിരീകരിച്ചു.
അതേസമയം കിഴക്കൻ പ്രവിശ്യ ലക്ഷ്യമാക്കി വന്ന ഡ്രോണുകളെയും പ്രതിരോധ സേന ആകാശത്തുവെച്ച് തന്നെ നശിപ്പിച്ചു. വിവിധ ഘട്ടങ്ങളിലായി നടന്ന പ്രതിരോധ പ്രവർത്തനങ്ങളിൽ നിരവധി ഡ്രോണുകൾ തകർത്തു.
അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa