സൗദിയിൽ വൻ അഴിമതി വേട്ട
റിയാദ് : കഴിഞ്ഞ ഓഗസ്റ്റ് മാസത്തിൽ അഴിമതി കുറ്റത്തിന് 108 സർക്കാർ ജീവനക്കാരെ അറസ്റ്റ് ചെയ്തതായി ഓവർസൈറ്റ് ആൻഡ് ആന്റി കറപ്ഷൻ അതോറിറ്റി അറിയിച്ചു. അറസ്റ്റിലായവരിൽ ചിലരെ പിന്നീട് ജാമ്യത്തിൽ വിട്ടയച്ചു.
സ്ഥാപനങ്ങളിൽ അതോറിറ്റി 2,659 സന്ദർശനങ്ങൾ നടത്തുകയും , അഴിമതി കേസുകളിൽ 352 ജീവനക്കാർക്ക് പങ്കുണ്ടെന്ന് സംശയിക്കുന്നതിനെക്കുറിച്ച് അന്വേഷണം നടത്തുകയും ചെയ്തു. അന്വേഷണത്തിന്റെ ഫലമായി ആഭ്യന്തര മന്ത്രാലയം, ആരോഗ്യ മന്ത്രാലയം, നീതിന്യായ മന്ത്രാലയം, വാണിജ്യ മന്ത്രാലയം, മുനിസിപ്പാലിറ്റി, ഭവന മന്ത്രാലയം എന്നിവയിൽ നിന്നുള്ള 108 ജീവനക്കാരെ അറസ്റ്റ് ചെയ്യുകയായിരുന്നു.
കൈക്കൂലി, ഔദ്യോഗിക സ്ഥാനങ്ങൾ ദുരുപയോഗം ചെയ്യൽ എന്നീ കുറ്റങ്ങളാണ് അതോറിറ്റി ജീവനക്കാർക്കെതിരെ ചുമത്തിയത്. സർക്കാർ സ്ഥാപനങ്ങളിലുടനീളം സമഗ്രത പ്രോത്സാഹിപ്പിക്കുന്നതിനും അഴിമതിക്കെതിരെ പോരാടുന്നതിനുമുള്ള തുടർച്ചയായ ശ്രമങ്ങളുടെ ഭാഗമായാണ് പരിശോധനകൾ നടന്നത്.
അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
Arabian Malayali WhatsApp Group
