കഅബയുടെ സൂക്ഷിപ്പുകാരനു കിസ്‌വ നാളെ കൈമാറും
മക്ക: മക്ക കിസ് വ ഫാക്ടറിയിൽ നിർമ്മിച്ച വിശുദ്ധ കഅബയുടെ പുതിയ കിസ് വ മക്ക ഗവർണ്ണർ ഖാലിദ് അൽ ഫൈസൽ രാജകുമാരൻ കഅബയുടെ സൂക്ഷിപ്പുകാരനാായ ഡോ: സ്വാലിഹ് അശൈബിക്ക് ബുധാനാഴ്ച കൈമാറും.
മക്ക ഗവർണ്ണറേറ്റ് ഹെഡ്ക്വാർട്ടേഴ്സിൽ വെച്ചാണു സൗദി ഭരണാധികാരി സല്മാൻ രാജാവിനെ പ്രതിനിധീകരിച്ച് മക്ക ഗവർണർ കിസ് വ കൈമാറുക.
ഹജ്ജ് കർമ്മങ്ങൾക്കിടെ എല്ലാ തീർത്ഥാടകരും അറഫയിൽ സംഗമിക്കുന്ന ദുൽ ഹിജ്ജ 9 നായിരിക്കും പുതിയ കിസ് വ കഅബയെ അണിയിക്കുക.
പ്രവാചക ചര്യ പിന്തുടർന്നാണു സൗദി ഭരണകൂടം എല്ലാ വർഷവും കഅബക്ക് പുതിയ കിസ് വ അണിയിക്കുന്നത്.
ഹജ്ജ് വേളയിൽ യമനിൽ നിന്നുള്ള കിസ് വയാണു നബി (സ്വ) കഅബയെ അണിയിച്ചിരുന്നതെന്ന് രേഖകൾ സൂചിപ്പിക്കുന്നു.
അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa
