സൗദിയിൽ സ്വദേശികളുടെ ശമ്പളത്തിൽ വൻ വർദ്ധനവ്

ജിദ്ദ: കഴിഞ്ഞ അഞ്ച് വർഷത്തിനിടെ സ്വകാര്യ മേഖലയിൽ ജോലി ചെയ്യുന്ന സൗദികളുടെ ശരാശരി വേതനത്തിൽ വർദ്ധനവ് ഉണ്ടായതായി നാഷണൽ ലേബർ ഒബ്സർവേറ്ററി വെളിപ്പെടുത്തി.

അഞ്ച് വർഷത്തിനിടെ സ്വകാര്യ മേഖലയിൽ ജോലി ചെയ്യുന്ന സൗദികളുടെ ശരാശരി പ്രതിമാസ വേതനത്തിൽ 45 ശതമാനം വർധനയുണ്ടായിട്ടുണ്ട്. 2018ൽ 6600 റിയാലായിരുന്നത് 2023ൽ 9600 റിയാലായി ഉയർന്നു.

റിപ്പോർട്ട് അനുസരിച്ച്, ഇതേ കാലയളവിൽ 20000 റിയാലിൽ കൂടുതൽ വേതനം സ്വീകരിക്കുന്ന പൗരന്മാരുടെ എണ്ണം 139 ശതമാനം വർധിച്ചു, 2018 ൽ 84700 പൗരന്മാരായിരുന്ന സ്ഥാനത്ത് ഈ വർഷം അത് 2,02700 പൗരന്മാരായി ഉയർന്നു.

ഇതേ കാലയളവിൽ 40000 റിയാലിൽ കൂടുതൽ വേതനം സ്വീകരിക്കുന്ന പൗരന്മാരുടെ എണ്ണത്തിൽ 172 ശതമാനം വർധനവുണ്ടായതായി റിപ്പോർട്ട് കാണിക്കുന്നു, 2018-ലെ 16,000 പൗരന്മാരിൽ നിന്ന് 2023-ൽ ഇത് 44,000 പൗരന്മാരായി ഉയർന്നു.

സൗദി വിഷൻ 2030 ന് കീഴിലുള്ള പരിപാടികളും സംരംഭങ്ങളും ആരംഭിച്ചതിന് ശേഷം രാജ്യം സാക്ഷ്യം വഹിക്കുന്ന ശക്തമായ സാമ്പത്തിക വളർച്ചയും പരിഷ്കാരങ്ങളും സർക്കാർ ഏജൻസികൾ നൽകുന്ന പിന്തുണ പാക്കേജുകളുടെ വിജയവും പോലുള്ള നിരവധി ഘടകങ്ങളാണ് ഇതിന് കാരണമെന്ന് ഒബ്സർവേറ്ററി പറഞ്ഞു.

രാജ്യത്തെ തൊഴിൽ വിപണി, ജോലിയുടെ ഗുണനിലവാരം, ആകർഷകമായ തൊഴിൽ അന്തരീക്ഷം, പ്രത്യേക ജോലികൾക്കുള്ള ഉയർന്ന ഡിമാൻഡ് എന്നിവയിൽ വലിയ പുരോഗതിയാണ് ഉണ്ടായിട്ടുള്ളത്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa