ആലു ശൈഖിന്റെ വിയോഗത്തിൽ അനുശോചനം അറിയിച്ച് പ്രധാനമന്ത്രി നരേന്ദ്ര മോദി

സൗദി അറേബ്യയുടെ ഗ്രാൻഡ് മുഫ്തിയും ഉന്നത പണ്ഡിതസഭയുടെ ചെയർമാനുമായിരുന്ന ശൈഖ് അബ്ദുൽ അസീസ് ബിൻ അബ്ദുല്ല ബിൻ മുഹമ്മദ് അൽ ശൈഖിന്റെ നിര്യാണത്തിൽ പ്രധാനമന്ത്രി നരേന്ദ്ര മോദി അനുശോചനം രേഖപ്പെടുത്തി.

“സൗദി അറേബ്യയുടെ ഗ്രാൻഡ് മുഫ്തി ശൈഖ് അബ്ദുൽ അസീസ് ബിൻ അബ്ദുല്ല ബിൻ മുഹമ്മദ് അൽ ശൈഖിന്റെ ദുഃഖകരമായ വിയോഗത്തിൽ അഗാധമായ ദുഃഖം രേഖപ്പെടുത്തുന്നു.”

“ദുഃഖത്തിന്റെ ഈ നിമിഷത്തിൽ സൗദി അറേബ്യയോടും അവിടുത്തെ ജനങ്ങളോടുമൊപ്പം ഞങ്ങളുടെ ചിന്തകളും പ്രാർത്ഥനകളും ഉണ്ട്,” പ്രധാനമന്ത്രി എക്‌സിൽ കുറിച്ചു.

ഗ്രാൻഡ് മുഫ്തിയും, മുതിർന്ന പണ്ഡിതരുടെ കൗൺസിലിന്റെ ചെയർമാനും, ശാസ്ത്ര ഗവേഷണത്തിനും ഇഫ്തയ്ക്കുമുള്ള ജനറൽ പ്രസിഡൻസിയുടെ പ്രസിഡന്റും, മുസ്ലീം വേൾഡ് ലീഗിന്റെ സുപ്രീം കൗൺസിൽ പ്രസിഡന്റുമായ ശൈഖ് അബ്ദുൽ അസീസ് ബിൻ അബ്ദുല്ല ബിൻ മുഹമ്മദ് അൽ-ഷൈഖ് ചൊവ്വാഴ്ചയാണ് മരണപ്പെട്ടത്.

സൗദിയിലെ മതകാര്യങ്ങളുടെ പരമോന്നത പദവി വഹിച്ചിരുന്ന അദ്ദേഹം, ആറ് പതിറ്റാണ്ടിലേറെക്കാലം മതപരമായ വിഷയങ്ങളിൽ സൗദിയെ നയിച്ചിരുന്നു.

ഇന്നലെ അസർ നമസ്കാരത്തിന് ശേഷം റിയാദിലെ ഇമാം തുർക്കി ബിൻ അബ്ദുല്ല പള്ളിയിൽ അദ്ദേഹത്തിന്റെ മേലുള്ള മയ്യിത്ത് നമസ്കാരം നടന്നു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa