ഇന്ന് അറഫാ സംഗമം; ഹാജിമാർ അറഫയിലേക്കൊഴുകിത്തുടങ്ങി

വിശുദ്ധ ഹജ്ജിലെ ഏറ്റവും മുഖ്യ കർമ്മമായ അറഫയിൽ നിൽക്കുന്നതിൽ ഭാഗമാകാനായി വിശ്വാസികൾ അറഫയിലേക്ക് നീങ്ങിത്തുടങ്ങി.

ലോകത്തിന്റെ വിവിധ ഭാഗങ്ങളിൽ നിന്നുള്ള ലക്ഷക്കണക്കിന് തീർഥാടകർ ഒന്നിച്ച് സംഗമിക്കുന്നതിനാൽ ലോകത്തെ ഏറ്റവും വലിയ മനുഷ്യ സംഗമം ആയാണ് അറഫ സംഗമത്തെ വിലയിരുത്തപ്പെടുന്നത്.

മിനയിൽ രാപാർത്ത ഹാജിമാർ ഇന്ന് പുലർച്ചയോടെത്തന്നെ അറഫയിലേക്ക് ഒഴുകിത്തുടങ്ങിയിരുന്നു.

ഇന്ന് സൂര്യാസ്തമയം വരെ അറഫയിൽ ആരാധനകളുമായി കഴിയുന്ന ഹാജിമാർ ശേഷം മുസ്ദലിഫയിൽ രാപാർക്കാനായി നിങ്ങും.

കാൽനടയായും ബസുകളിലും ട്രെയിനുകളിലുമെല്ലാമായാണു ഹാജിമാർ പുണ്യഭൂമികളിൽ സഞ്ചരിക്കുന്നത്.

മുസ്‌ലിം വേൾഡ് ലീഗ് സെക്രട്ടറി ജനറലും ഉന്നത പണ്ഡിത സഭാംഗവും ആയശൈഖ് മുഹമ്മദ്‌ അൽ ഈസയാണ് ഈ വർഷം അറഫാ ഖുതുബ നിർവ്വഹിക്കുന്നത്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa