സൗദിയിൽ സ്വകാര്യ സ്ഥാപനങ്ങൾ പരിശീലന ഡാറ്റ നിർബന്ധമായും വെളിപ്പെടുത്തേണ്ട അവസാന തീയതി ജനുവരി 31
റിയാദ്: 50 അല്ലെങ്കിൽ അതിൽ കൂടുതൽ തൊഴിലാളികളെ ജോലിക്കെടുക്കുന്ന സ്വകാര്യ മേഖലയിലെ സ്ഥാപനങ്ങൾ 2027 ജനുവരി 31 ന് മുമ്പ് ഖിവ പ്ലാറ്റ്‌ഫോം വഴി അവരുടെ പരിശീലന ഡാറ്റ വെളിപ്പെടുത്തണമെന്ന് സൗദി മാനവ വിഭവശേഷി, സാമൂഹിക വികസന മന്ത്രാലയം ആവശ്യപ്പെട്ടു.
തീരുമാനത്തിന്റെ പരിധിയിൽ വരുന്ന എല്ലാ സ്ഥാപനങ്ങൾക്കും, അവർ തങ്ങളുടെ ജീവനക്കാർക്കായി പരിശീലന പരിപാടികൾ നടപ്പിലാക്കിയിട്ടുണ്ടോ ഇല്ലയോ എന്നത് പരിഗണിക്കാതെ, വെളിപ്പെടുത്തൽ നിർബന്ധമാണെന്ന് മന്ത്രാലയം ഊന്നിപ്പറഞ്ഞു.
പരിശീലന പരിപാടികൾ നടപ്പിലാക്കിയ സ്ഥാപനങ്ങൾ പരിശീലനാർത്ഥികളുടെ എണ്ണം, നടത്തിയ പരിപാടികൾ, പരിശീലന സമയങ്ങളുടെ എണ്ണം, അനുബന്ധ ചെലവുകൾ എന്നിവ വെളിപ്പെടുത്തണമെന്ന് മന്ത്രാലയം വ്യക്തമാക്കി. ഒരു പരിശീലന പരിപാടിയും നടപ്പിലാക്കാത്ത സ്ഥാപനങ്ങളും വസ്തുതകൾ വെളിപ്പെടുത്തേണ്ടതുണ്ട്.
അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
Arabian Malayali WhatsApp Group
