നാട്ടിലുള്ള സൗദി പ്രവാസികൾക്ക് തങ്ങളുടെ റി എൻട്രി വിസാ കാലാവധി നീട്ടിയിട്ടുണ്ടോ എന്ന് സ്വയം പരിശോധിക്കാം

കരിപ്പൂർ: നാട്ടിലുള്ള സൗദി പ്രവാസികളുടെ ഇഖാമ, റി എൻട്രി, വിസിറ്റിംഗ് വിസാ കാലാവധികൾ ജുൺ 2 വരെ പുതുക്കി നൽകാനുള്ള സൗദി ഭരണകൂടത്തിൻ്റെ തീരുമാനം പ്രാബല്യത്തിൽ വന്ന സാഹചര്യത്തിൽ തങ്ങളുടെ റി എൻട്രി കാലാവധി പുതുക്കിയിട്ടുണ്ടോ എന്ന് നാട്ടിൽ നിന്ന് തന്നെ പ്രവാസികൾക്ക് സ്വയം പരിശോധിക്കാൻ സാധിക്കും.

https://muqeem.sa/#/visa-validity/check എന്ന ലിങ്കിൽ ക്ളിക്ക് ചെയ്താണു റി എൻട്രി കാലാവധി പരിശോധിക്കേണ്ടത്. വിസ നംബർ, ഇഖാമ നംബർ, പാസ്പോർട്ട് നംബർ, ഇഖാമ എക്സ്പയർ ഡേറ്റ്, ജനനത്തിയതി, വിസ എക്സ്പയർ ഡേറ്റ് എന്നിവയിൽ ഏതെങ്കിലും രണ്ട് വിവരങ്ങൾ പരിശോധിക്കുന്ന സമയത്ത് എൻ്റർ ചെയ്താണു റി എൻട്രിയുടെ നിലവിലെ കാലാവധി മനസ്സിലാക്കാൻ സാധിക്കുക.

അതേ സമയം ഇഖാമാ കാലാവാധി നാട്ടിലെ നെറ്റ് വർക്കിൽ പരിശോധിക്കാൻ സാധിക്കുന്ന കാര്യം പ്രയാസമായിരിക്കുമെന്നതിനാൽ സൗദിയിലുള്ള സുഹൃത്തുക്കളുമായി ബന്ധപ്പെട്ട് അവരുടെ അബ്ഷിർ വഴി പരിശോധിക്കാൻ സാധിക്കുന്നതാണ്.

കൊറോണ മൂലം സൗദി പ്രവേശന വിലക്കേർപ്പെടുത്തിയ രാജ്യങ്ങളിലെ പ്രവാസികളുടെ ഇഖാമ, റി എൻട്രി, വിസിറ്റിംഗ് വിസ കാലാവധികൾ രാജാവിൻ്റെ നിർദ്ദേശപ്രകാരം ജൂൺ 2 വരെ പുതുക്കുന്ന നടപടിക്രമങ്ങൾ ആരംഭിച്ചിട്ടുണ്ടെന്ന് ജവാസാത്ത് അറിയിച്ചിട്ടുണ്ട്.

അറേബ്യൻ മലയാളീ വാട്സാപ് ഗ്രൂപിൽ നിങ്ങൾക്കും അംഗമാകാം https://hostinfoarabia.com/arabian_malayali_whatsapp_group_ksa

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa