ദലാൽ രാജകുമാരിയുടെ ഖബറിനരികെ പ്രാർത്ഥനാ നിർഭരനായി ഖാലിദ് ബിൻ വലീദ് രാജകുമാരൻ

റിയാദ്: കഴിഞ്ഞ ദിവസം അന്തരിച്ച ദലാൽ രാജകുമാരിയുടെ ഖബറിനരികിൽ മകൻ ഖാലിദ് ബിൻ വലീദ് രാജകുമാരൻ പ്രാർഥനാ നിർഭരനായി ഇരിക്കുന്ന ചിത്രം സൗദി സോഷ്യൽ മീഡിയകളിൽ വ്യാപകമായി ഷെയർ ചെയ്യപ്പെട്ടു.

മാതാവിനെ മറവ് ചെയ്തതിനു ശേഷം രാജകുമാരൻ ഖബറിനരികിൽ ഇരിക്കുന്നതും മാതാാവിനു വേണ്ടി പ്രാർഥിക്കുന്നതുമായ ചിത്രങ്ങളാണ് പ്രമുഖ സൗദി സോഷ്യൽ മീഡിയാ അക്കൗണ്ടുകൾ പ്രാധാന്യത്തോടെ ഷെയർ ചെയ്തത്.

മുൻ സൗദി ഭരണാധികാരിയും സല്മാൻ രാജാവിൻ്റെ സഹോദരനുമായ സഊദ് രാജാവിൻ്റെ മകളാണ് അന്തരിച്ച ദലാൽ രാജകുമാരി. പ്രമുഖ അറബ് കോടീശ്വരൻ വലീദ് ബിൻ ത്വലാൽ രാജകുമാരന്റെ മുൻ ഭാര്യയുമാണ്.

പിതാവ് സഊദ് രാജാവിനോടൊപ്പാം ദലാൽ രാജകുമാരി തൻ്റെ ചെറുപ്പ കാലം ചിലവഴിച്ച നിമിഷങ്ങളുടെ അപൂർവ്വ ചിത്രങ്ങളും സൗദി സോഷ്യൽ മീഡിയ അക്കൗണ്ടുകൾ കഴിഞ്ഞ ദിവസം ഷെയർ ചെയ്തിരുന്നു.

ഇന്നലെ റിയാദ് ഇമാം തുർക്കി മസ്ജിദിൽ രാജകുമാരിയുടെ മേൽ നടന്ന മയ്യിത്ത് നമസ്ക്കാരത്തിൽ പ്രമുഖ സൗദി രാജകുടുംബാംഗങ്ങൾ സന്നിഹിതരായിരുന്നു.

സൗദി ഗ്രാൻ്റ് മുഫ്തി അബ്ദുൽ അസീസ് ആലു ശൈഖ്, റിയാദ് ഡെപ്യൂട്ടി ഗവർണ്ണർ മുഹമ്മദ് ബിൻ അബ്ദുറഹ്‌മാൻ രാജകുമാരൻ, ഫൈസൽ ബിൻ ഖാലിദ് രാജകുമാരൻ എന്നിവർ ജനാസ നമസ്ക്കാരത്തിൽ പങ്കെടുത്തവരിൽ പെടുന്നു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം.
https://hostinfoarabia.com/arabian_malayali_whatsapp_group_ksa

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa