ഖത്തറിൽ അൽബൈക്ക് തുടങ്ങിയെന്ന വാർത്തയോട് അൽബൈക് അധികൃതർ പ്രതികരിച്ചു

സൗദിയിലെ പ്രമുഖ ഫാസ്റ്റ് ഫുഡ്‌ കംബനിയായ അൽബൈക് തങ്ങളുടെ ബ്രാഞ്ച് ഖത്തറിലും ആരംഭിച്ചിട്ടുണ്ടോയെന്ന അന്വേഷണത്തോട് പ്രതികരിച്ചു.

സൗദിയിലുള്ള അൽബൈകിന്റെ അതേ ലോഗോയും പേരും ഉള്ള റെസ്റ്റോറന്റാണു ഖത്തറിൽ അരംഭിച്ചിട്ടുള്ളത് എന്നതിനാലാണ് ആളുകൾ യാഥാർഥ്യം അറിയാനായി അൽബൈക് അധികൃതരുമായി ബന്ധപ്പെട്ടത്.

എന്നാൽ ഖത്തറിൽ തങ്ങൾ ബ്രാഞ്ച് തുടങ്ങിയെന്ന വാർത്ത അൽബൈക് അധികൃതർ നിഷേധിക്കുകയാണ് ചെയ്തിട്ടുള്ളത്.

തങ്ങളുടെ പേര് അന്യായമായി ദുരുപയോഗം ചെയ്തിരിക്കുകയാണെന്നും ഇത് സംബന്ധിച്ച് അധികൃതർ ഇടപെടുന്നുണ്ടെന്നും അൽബൈക് വ്യക്തമാക്കി.

അതേ സമയം അൽബൈകിന്റെ പേര് ദുരുപയോഗം ചെയ്ത കമ്പനി തങ്ങൾ 100% ഖത്തർ സംരംഭമാണെന്നും ഖത്തറിനു പുറത്ത് തങ്ങൾക്ക് ബ്രഞ്ചുകളില്ലെന്നും അറിയിച്ചിട്ടും ഉണ്ട്.

സൗദി അൽബൈകിന്റെ ബ്രാഞ്ചാണെന്ന ധാരണയിൽ ഖത്തർ അൽബൈകിൽ വൻ തിരക്ക് അനുഭവപ്പെട്ടിരുന്നു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa