ജിദ്ദയിൽ മലപ്പുറം സ്വദേശി ഹൃദയാഘാതത്തെത്തുടർന്ന് മരിച്ചു

ഹൃദയാഘാതത്തെത്തുടർന്ന് മലപ്പുറം സ്വദേശി ജിദ്ദയിലെ താമസസ്ഥലത്ത് വെച്ച് മരിച്ചു.

വാണിയമ്പലം അങ്കപ്പൊയിലിൽ സ്വദേശി ചെറുകപ്പള്ളി അബ്ദുൽ മജീദ് (63) ആണ് വ്യാഴാഴ്ച പുലർച്ചെ മരിച്ചത്. നെഞ്ച് വേദനയനുഭവപ്പെട്ട ഉടൻ തന്നെ മരണം സംഭവിക്കുകയായിരുന്നു.

കഴിഞ്ഞ 28 വർഷമായി ഇദ്ദേഹം പ്രവാസ ജീവിതം നയിച്ച് വരുന്നു. ഒരു കമ്പനിയിൽ സെക്രട്ടറിയായി ജോലി ചെയ്ത് വരികയായിരുന്നു.

ഭാര്യയും നാല് മക്കളും അടങ്ങുന്നതാണ് കുടുംബം. ഒരു മകൻ ജിദ്ദയിലുണ്ട്. മയ്യിത്ത് ജിദ്ദയിൽ മറവ് ചെയ്യും.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa