ഫലസ്തീൻ രാഷ്ട്രത്തെ പിന്തുണക്കുന്നതിൽ തങ്ങളുടെ രാജ്യത്തിന് ഉറച്ച നിലപാടാണ് ഉള്ളതെന്ന് യുഎഇ വിദേശകാര്യ മന്ത്രി ഷെയ്ഖ് അബ്ദുല്ല ബിൻ സായിദ്

ഫലസ്തീനെ പിന്തുണയ്ക്കുന്നതിൽ തങ്ങളുടെ രാജ്യത്തിന്റെ നിലപാട് ഉറച്ചതാണെന്ന് യുഎഇ വിദേശകാര്യ മന്ത്രി ഷെയ്ഖ് അബ്ദുല്ല ബിൻ സായിദ് പറഞ്ഞു.

“കിഴക്കൻ ജറുസലേം തലസ്ഥാനമായി ഒരു സ്വതന്ത്ര ഫലസ്തീൻ രാഷ്ട്രം സ്ഥാപിക്കുന്നതിനെ പിന്തുണയ്ക്കുന്ന അറബ് നിലപാടിനെ പിന്തുണയ്ക്കുന്നതിൽ യുഎഇയുടെ നിലപാട് ഉറച്ചതും ദൃഢവുമാണ്”.

ഫലസ്തീന് യുഎഇ നൽകിയ ചരിത്രപരമായ പിന്തുണ തുടർന്നും ഉണ്ടാകുമെന്നും, യു.എ.ഇ.യുടെ നിലപാട് ഉറച്ച ബോധ്യത്തിൽ നിന്ന് ഉരുത്തിരിഞ്ഞതാണെന്നും, ആ നിലപാടിന് മാറ്റമില്ലെന്നും അദ്ദേഹം ചൂണ്ടിക്കാട്ടി.

ഫലസ്തീൻ ജനതയുടെ ന്യായമായ അവകാശങ്ങൾക്ക് സൗദി അറേബ്യയുടെ അചഞ്ചലമായ പിന്തുണയുണ്ടെന്ന് സൗദി കിരീടാവകാശിയും പ്രധാനമന്ത്രിയുമായ മുഹമ്മദ് ബിൻ സൽമാൻ രാജകുമാരനും നേരത്തെ അറിയിച്ചിരുന്നു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa